|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
ياضيقه(ن) ولي من الصدر تكفين
وشلك بشخص(ن) دمعته ماكناها
غريب دار وفوقها فقد غالين
ومالوم عيني يوم هلت بماها
ويالله أنا طالبك ياربي أتعين
تعين عبداً ركعتة مانساها
وتغفر لأبي وأمي وربعي الأدنين
وتزيل هماً ضيق أرضي وسماها
والبارحه مابين بسري وعلى وين
من ضيقت(ن) وصلت بصدري مداها
قمت أتوجد وأصفق يسار بيمين
وأقنب قنيب ذياب جوعً طواها
سبَت رساله جات في يوم الأثنين
هاضت خفوقي للديار وقرآها
وقريتها والدمع في محجر العين
بيت(ن) وحيد(ن) كان في محتواها
(متى على الله نمسك الخط ماشين)
(يم الديار اللي ذبحنا غلاها)
|