قبل كل شي انتم الحين برمضان افضل وقت ألحوا بالدعاء وربي ينولكم مرادكم يارب ويحقق طموحاتكم ...بس بأنقل لكم وضعي لما كنت انتظر القبول بالجامعه وكانت النسب مرتفعه ولا انقبلت بالبدايه طب وانقبلت بالدفعه الثالثه وهو طموحي بس مع ذلك ما يأست وكان املي بالله قوي وكنت اتحرى كل وقت يستجاب فيه الدعاء وادعي فيه لين ربي استجاب لدعائي وانقبلت طب والحمدلله والحين بدخل السنه الرابعه ان شاء الله والنسب صح مرتفعه بس ابيكم تفهمون ان هذي سياسه جامعات يعني عشان لما احد يدخل ع موقع الجامعه يشوف ان جامعه فيصل تقبل نسب عاليه وقوية ومو سهل القبول فيها بس بالاساس لا في قبول بالتلفون فانتبهوا للارقام الجوال اللي سجلتوها لانهم راح يرسلون مسجات او مكالمات وبايام دفعتي وبدفعه اختي اللي هي السنه اللي فاتت اقبلوا بنات والدراسه بدأت من اسبوع او اسبوعين وممكن يرقون بالرغبات واعرف بنات كثير فلا تفقدون الأمل والأمل بالله كبير واذا لكم نصيب بتاخذونه وان شاء الله كلكم تبشرونا بالقبول يارب وبالتوفيق