2014- 7- 11
|
 |
المراقبة العامة
|
|
|
|
قصيدة من أروع ماقرأت مليئة بالحكم
السلام عليكم ورحمة الله وبركاته أنقل لكم هذه القصيدة وهي من أجمل ماقرأت تحوي جميع الأخلاق الطيبة حذراك .....حذراك لاتبتلي بجروح يصعب دواها وإلى مشيت أعرف دروبك وممشاك أحرص على نفسك وخالف هواها أمارة بالسوء ماهي بتنهاك أقبض عليها لين يجلى صداها أقطع نوايها بدينك وتقواك هلّل وعند الله سريع شفاها والعين لاتنظر بها من تعدّاك المحصنة لو تلتفت لك وراها أصبر على همّك وغمّك وبلواك عفّ وتعفّف لايغرّك حلاها وأترك حرام القوت ماهوب يملاك كلّ البطون الجايعة ما ملاها رشفة حلال تسدّ جوعك ومظماك تسوى مشاريب الحرام وغثاها النّار في جوفك وتصلى حناياك نار الجحيم تزيد للّي وطاها وأحفظ لسانك لايجرّك ويبلاك أخذ الثمينة لو غلى مشتراها الهرج ميزانك ويكشف خفاياك كلمة تعيبك لاتبيّن نباها صون الكلام وصون نفسك ومبداك للنفس حشمة لاتفصّم عراها أصمت مادام إنّك عارف سيل مجراك لاتنقل النّمة وتبحث خفاها يزول قدرك عند أقرب دناياك لو هو ولد عمّك حياتك جفاها وأحلم تراه الحلم يرفع مزاياك هو سيّد الأخلاق هو مبتداها وصّى به المبعوث ماهو ب يخفاك شفيعنا يوم الملاقات طه خلّ الجهل لاتجعل الغيض ياطاك ترا الجهل سمّ القلوب وعماها وإذا إبتليت أرفع إلى الله شكواك لابدّها الأيّام تكشف غطاها أصبر يزين الحظّ ويزين مرماك الله يفرّجها ويدفع بلاها لاتمنع المحروم لامن تنصاك النّاس لأجل النّاس وأحسن عطاها أبذل لوجه الله والله يجزاك بمثل الغروس الطيب للّي سقاها لاضاع معروفك ولاضاع حسناك إن كانها لله تلقى جزاها جارك ولو هو جار تسقيه من ماك عليه لاترفع إيدينك عصاها أحسن جوار الجار لو كان يشناك ترا العرب تحشم كلاب قصراها بكره يشدّ ويكتب الله فرقاك عساه يذكر جيرتك مانساها الظلم شين ويجعل النّار مثواك راعي الظليمة عيشته ماهناها فوقك إله العرش عالم نواياك ينظر قلوب النّاس وش محتواها يسمع بما تجهر وعارف خفاياك بأمره شروق الشّمس ترسل ضياها هو عالم غيبك وركّب خلاياك هو خالق فيك العروق ورواها والضيف له حقّ اليا حلّ بحماك قلّط ضيوف الله وأكرم لحاها لاتحقر الضيفان وتشحّ بغذاك ممّا عطاك الله قلّط عشاها وعليك باللّي ساعة الضّيق يفداك لاشانت الدّنيا ودارت رحاها لامن زهمته لو على الموت لبّاك عيني لجل عينك وروحي فداها ترى الخوي نبراس روحك وملجاك لا كلّحت بقعا وزادت غثاها حذراك من بعض المخاليق حذراك بعض العرب ماتفرقه من نساها تايه وضايع بين ذولا وذولاك فيه الجهالة واصلٍ منتهاها
|