المشاركة الأصلية كتبت بواسطة mbc fm

مبروك القبول
يابنات لاتخافون الجامعة مررره حلوه التخصصات حلوه بس الدكاتره في الزين وفي الشين
وكل شي يعتمد عليكم كونو مركزين ومنتبهين لكل شي لاتخلو حياة الجامعة والوناسة تاخذكم عشان لاتندمون بعدين
اللبس التنورة ميدي لاتكون ضيقة او سترتش سودة او رصاصية
البلوزه ماتكون شفافه او عليها رسوم او حفرتها شكبرها حطو ببالكم انكم جايين تدرسون فلكل مكان لبسه
مكياج مانبي حد يصرعنا من الصبح كثير بنات اشوفهم مستجدات مهولين مكياج عرس وكعب فاهمه الموضوع غلط حبيبتي ياحرام هي تفكر نفسها كشخه والبنات كل وحده تطالع فيها كأنها مهرج والكعب لبسي شي خفيف فلات جزمه سبورت بس كعب مستحيل مستحيل اكس اكس اكس كل الناس راح يطالعون فيك وانتي بلحالك راح تتعبين لأن راح تركبين وتنزلين كثير وبين كل كلاس وكلاس مشوار
مع اني راعية سحبات و الذي منوو بس اعيد واكرر لاتخلي كل هذا ياخذك عن محاضراتك او يشتتك راح تندمين كثير
راح تشوفون اشكال والوان الله يخليك لا تقعدي تطالعي البنت كأنك شايفة لوحة الموناليزا وكثير بنات يحاولون لفت الانتباه بس ابد حركاتهم مو حلوه يبين انكم مراهقين للحين
ضعتي !! اسئلي وراح يدلونك البنات او سئللي الامن
انتبهي على مين راح تتعرفي انتي جايه من بيئه وهي من بيئه ثانيه لاتنخدعون بالشكل لان حقيقي بعض الاحيان الشكل يوحي بشي والي داخل شي ثاني
مو تشوفي هي شلون تتعامل او شلون تتكلم او لبسها وشكلها يوحي انها ذوق وادب واخلاق وماشاء الله ترا ممكن من داخلها استغفر الله امانة احفظو هالنقطة لأني طحت فيها وسببت لي مشاكل كثيرة فهذي نصيحة لكم

احضرو اول اسبوع حق التهيئة وكذا تراه يمكن يقولون شي مهم لازم تتعرفون على الجامعة بهالاسبوع لأن ماعندكم شي عشان لاتضيعون بعدين لأن الجامعة ماشاء الله كبيرة
ماعليكم من الي يحاولون يحبطونكم
وشي بعد مابي انساه
ادري انكم متحمسين للجامعة وناويين تخمون السوق زي ماسويت بس لاتخمونه خذي شيين او ثلاثه بس
واذا فتحت الجامعة راح تعرفي انتي شتبي تلبسين ووشلون مودك وش الملابس الي تريحك وعقب روحي السوق وخذي الي يريحك ويعجبك صدق

خذو لوكر عشان لايصير عندكم زحمه وتتكسر ظهوركم من العبايات والكتب والعفش الي بالشنطة

ادري طولت عليكم بس اتمنى اني مانسيت شي وعطيتكم كل شي يفيدكم
وبالتوفيق بحياتكم الجامعية :)