وما بين رغبات اليسار ورغبه اصحاب اليمين
انا ضحيه عالم(ن) تمشي ورى مشهاتها
طيب واحب الطيب وامشي في سلوم الطيبين
لكن قـــلوب النــاس تصدمــك نيآتــها
الطيب فاقد له عرب والحق فاقد له عوين
والحسد أكبره ظاهره تشر علي راياتها
والحب نغمه مابها غير التوجد والحنين
كم سربت(ن) عاشت وماتت ومالقت غاياتها
العفن يلقى حاجته والخبل صار هو الذهين
والناس فــزة للعفون ودوره مرضاتها
البارحه فكري يقلبني وراء ذاك البطين
وتطري علي سلمى وتطري علي جلساتها
الله مزينها وجاعلها متاع الناظرين
بنت الرجال اللي تهيب منخاتها
حنا تربينا على الهيبه مع العقل الرزين
مانحني الهامه مثل اللي حنة هاماتها
رجالنا لو ضعيف مايجنبك السمين
يومنها بعض العرب تبلشك في لجاتها
أحد(ن) ذبحلك مصلحه ويضحك لك الحاجبين
وماتدري انه عقرب(ن) ماتنومن من غشاتها
وأحد(ن) يذكيهآ ولآيدري تراه انت منين
يمناه في درب المراجل تعجبك مداتها
وترى الحياء ساس المراجل ينفعك دنيا ودين
والمرجلــه لابد ما انك تعرف أوقاتها
والفخفخه والطخطخه والكبر للقلب اللعين
والعقل هو سوق الرجال اللي علت قيماتها
وانا ليا قربت ثم طالعتني عين(ن) بعين
عرفت وشلون الأسود تهابها بسكـاتها