|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
قالوا تحبه؟قلت من كل الأعماق
*** غلاه يسري يا هلي في عروقي
قالوا كثير؟ وقلت يانبع الأشواق
*** ردي عليهم وش يخبي خفوقي
قالوا متى؟قلت الصحايف والأوراق
*** ياما كتبت وسجلته الطروقي
قالوا حياتك؟ كلها سهر وإرهاق
*** قلت الضياع ولا أزيد بشوقي
قالوا؟وش أسمه قلت ضاعن الأذواق
*** ماعندكم ياهل الشواميت ذوقي؟
تكفون خلوني بالأضلاع حراق
*** فيـني من طعـون المحبـه فتوقـي
بسهر مع الهاجوس ونجوم الأفاق
*** وأخايل طيوف الغضي للشروقي
أتذكر أيامي معه وأرجع أشتاق
*** وأبكي يـما ينشف من الدمع موقي
ياعزوتي ماودك نعيد الأشواق
*** في خاطري حـبـن لذاتك صدوقي
أغليك من رأسك ليا عظمة الساق
*** أغليك كلك يا بعد كل شوقي
تدري ليا من الزمن والفضاء ضاق
*** وأبكوني الي ياغلا من عروقي
أهرب وأطالع صورتك وسط الأوراق
*** وأقول يانفسي من الحزن روقي
هذي حياة الحب به وصل وفراق
*** وهذا الزمن لو صان لازم يبوقي
الله يكـتب لي معك عـناق
*** يحيا بها قلبن عطش ما يذوقي
تبي تحس الشوق في روح مشتاق؟
*** تعال حط أيديك وألمس خفوقي
|