|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
أعظم وجع بالحب لاصرت تشتاق
للي تحب ولا أنت قادر تشوفه
يكويك جمراً داخل الجوف فــ حراق
زود على ناره تهدك طيوفه
لامر بعيونك كما نوض براق
مالك مجال إلا تساير ظروفه
ياصاحبي لو بيني وبينك آفاق
نفسي معك في كل وقتن شغوفه
ماكنت قبلك خلف الاحساس أنساق
وأن شفت درب الحب أسكت وأطوفه
آلين جاني منعطف سيل الأشواق
بأمر الغرام اللي سطتبي سيوفه
قاومت لكن خافق الحب ماطاق
صابه صمودن زلزل اجزاء جوفه
حاولت أقاوم بس حسيت بأخفاق
في لحظة مد لكفوفك كفوفه
أثر المحبة نبضها دوم سراق
دمي وهو بجسمي أحسك تحوفه
حاولت أداري حب قلبي بالأوراق
وأثري الورق ماهي أمينه حروفه
سل المشاعر من متاهات الأعماق
وأصبح يفسر كل وضع بوصوفه
يكتب تقارير الغلا عند الأشراق
وعند المساء يعطيك باقي كشوفه
|