الدرس الثاني طريقة عمل جدول تكراري
اول شي اذا بغينا نسوي جدول تكراري راح تكون عندنا البيانات
تيب لاقامة جدول تكراري لابد من عمل الاتي
اول شي لازم نطلع المدى r وهو قيمة الفرق بين اعلى قيمه واصغر قيمه
من البيانات الي في الجدول
بعدين نطلع طول الفتره طول الفتره راح يطلع من هالقانون
l = المدى الي طلعناه تقسيم عدد الفترات
( ملاحظه عدد الفترات اذا ماكان محدد في راس السؤال فاننا نختار عدد بحيث مايكون اقل من خمسة ولا اكثر من عشرة )
تيب طلعنا البيانات الاوليه نطلع الفتره الاولى في الجدول
الحد الادنى للفتره نطلع اقل رقم في الجدول
الحد الادنى الفعلي : الحد الادنى - 0.5
اممم هذا الحد الادنى والادنى الفعلي
اما الحد الاعلى مانشوف اكبر قيمة في الجدول لا
ناخذ قيمة الحد الادنى ونزيد عليها طول الفتره وننقص منها واحد
القيمة الي بتطلع هذي الحد الاعلى
الحد الاعلى الفعلي : الحد الاعلى + 0.5
تيب
هذي راح تكون اول فئة بالجدول
الفئة الثانية تكون بدايتها نهاية الفتره الي قبلها ونزود عليها طول القتره عشان تطلع لنا النهاية وكذا لين النهاية طبعا اخر فترة راح تكون نهايتها تشمل على اكبر رقم في الجدول
مراكز الفترات نطلعها من نهاية الفتره + بداية الفتره تقسيم 2
وبس يطلع لنا المركز الاول ناخذ المركز هذا ونزيد عليه طول الفترة ويطلع لنا المركز الثاني
والمركز الثاني نزيد عليه طول الفتره ويطلع لنا المركز الثالث ..... الخ
التكرارات تشوفين الاعداد المحصورة بين الفتره وتحددينها من الجدول
وكل فترة راح تتضمن اعداد تحددينها من الجدول :)