|
فخور بتخرج ولكني حزين علي فراق الكليه
السلام عليكم والرحمة الله وبركاتة
بكتب خاطره او فضفضه ههههههه بصراحه انا حزين علي فراقي للكليه راح افتقد الطلاب الي كانوا معاي
طيله فتره البكالريوس وايظا الدكاتره وايظا الامتحانات ودراسه شلون احين من يوم ورايح ماراح يكون
في هم ودراسه  صدقوني كانت اجواء حلوه يمكن بتستغربون شلون شخص يحب الكرف
كان الجو حلو ومتعب ونفس لحظه كان في شي الواحد يشغل حاله  الان لايوجد شي الواحد
يشغل حاله امس كنت انظف لبتوب من المحاضرات جمعيها ههههههه دليت واتحسر اقول الوداع الوداع
ومشروع تخرج ايظا شفته واضحك اقول يا اني تعبت فيه تعب  ودكتور غربلي كل شوي اغير واعدل فيه رفع لي ظغط لمده شهرين وانا اتحلطم عليه كل شي مب عاجبه هههههههه بس تعرفون توني اترجم هذه الامور انها كانت ايام حلوه وخصوصا وقت الاختبارات
النهائيه لما تنزل لك الورقه فوق 10 صفحات ياحلوها شمتنهاا وامتحان صعب 
واطالع يمين وشمال هل من منقذ هههههههههه
علي العموم الله يوفقكم بدراستكم وعقبال ماشوفكم متخرجين وتشغلون تحياتي
لكم معاكم اخوكم
مختبرجي 
|