بتكلم عن الدكاتره اللي درسوني
د.الهام الغنام / قراءه و محادثه
جميله جداً جداً شرح و اسلوب و تعطي كل بنت حقها بالدرجات و طبعاً مافيه اختبار كله تقييم ، تدقق كثير ع الحضور و تحب اللي تشارك معها بالدرس وخصوصاً اذا كانت تتكلم باللغه العربيه الفصحى ، و تطلب واجبات قليله تقريباً ٣ و شسمه تخلص الماده بسرعه حنّا خلصناها قبل يخلص السمستر بشهر ونص ����
اعطيها 10/10
د.خليفه ميساوي / تحرير عربي
الماده جميله وسهله وشرحه ممتاز واسئلته موضوعيه ومقاليه واتعب وانا اقول انها سهله والله كأنها ماده للابتدائي مو للجامعه �� وشسمه يطلب بحث مجموعات بس بشرط يكون من تنفيذكم مو نسخ ولصق لانه يقرأ كل بحث يوصله ولو كان نسخ ولصق بيعطيك صفر من 20 < درجة البحث
اعطيه 10/10 برضوا
أ.مها السويلم / عقيده ومذاهب معاصره
جمال هالاستاذه بشكل مو طبيعي محاضرتها خفيفه وكان علينا حفظ جزء عم كامل بس اعطتنا نحفظ النبأ ، اسئلتها سهله بس دقيقه جداً جداً يبي لها تركيز طبعاً موضوعيه وتعطي كل بنت درجتها وزياده ، وشسمه طلبت مننا نشرح جزئيه من الدرس والبنات كانوا يستحون وماعندهم جرأه ف مشت الموضوع لنا ��
اعطيها 10/10
أ.هاجر الجغيمان / نحو تطبيقي ١
تشرح بذمه و ضمير وتحلل المحاضرة صح لكنها ممتازه ماتطلع الا وانتي فاهمه كل فقره بالدرس ، يهمها الحظور كثير ، وتحب اللي تشارك وتسأل ، والبنت الهاديه والملتزمه بالحضور والاحتشام باللبس تعطيها 5 درجات اضافيه ، واللي نظامها سوالف وضحك وقت المحاضرة ماتمشي عندها تنقصها وهي تشوف ، اسئلتها موضوعيه ومقاليه و سهله جداً بس مشكلتها تحب الاعراب كثير :( والنهائي كله موضوعي ماعدا القطعه استخرجي و مثلي
اعطيها 9/10 << عشان الاعرابات ��
د.اسماء الزين / لغه انجليزيه عامه
مهما تكلمت عنها مااقدر اوصفها ابد جماااال بالاسلوب والشرح والاسئله وكل شيء ، تشرح بذمه و ضمير و تترجم القطعه كلمه كلمه ، اسئلتها جميله وسهله غالباً تكون نفس نمط اللي بالكتاب لكن مع تغييرات ، بس كل درجه تاخذينها تكون بإجتهادك ماتعطي درجات زياده
لانها مسهله كل شيء ماعليك الا تذاكرين اول بأول
اعطيها 10/10
أ.لطيفه ابوبكر / مدخل الى تقنية المعاومات
شرحها جميل ومفهوم الماده عباره عن حاسب ثانوي مع زيادة كم معلومه ، محاظرتها جميله وخفيفه واسئلتها حلوه وسهله كلها موضوعي وتعطي درجات اضافيه للي ملتزمين بالحضور والهدوء ، ماتطلب واجبات بس عرض بوربوينت اخر السمستر
د.سمر مصطفى / صحه و لياقه
الماده جميله عباره عن معلومات عن الصحه العامه والمجتمع ، سهله جداً بس هذره واجد بالملزمه ، شرحها جميل تبسط لك الاشياء الموجوده وتاخذ محاظرتها كامله احيان تدقق ع الحضور والغياب وكثير للاسف ياخذون حرمان عندها بسبب الاستهتار بالحضور ، الاسئله موحده من الجامعه دقيقه بس سهله من نفس الملزمه ، وتعطي كويز اخر السمستر والكل ياخذ فل مارك لانه سهل جداً ..
اعطيها 10/10
والحمدلله اخذت معدل ممتاز ����