|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
ودّك تحس بلوعة الموت وشلون ..؟
.................... خل من تحب يغيب .. ويعلن فراقه
؛
الموت ماهو شخص تنصاه وتمون
.................... ويترك لك المطلوب .. حبّ وشفاقه
؛
الموت جوع يقطّع القلب بسنون
.................... ويشدّك .. لجذع الألم ابـْ / وثاقه
؛
الموت اظنه سالفة دمع محزون
.................... الموت .. بابٍ للحزن وألف طاقه
؛
أوقد يكون : انسان معدم و مديون
.................... وله في عيال الناس حاجه وفاقه
؛
وممكن يكون : انسان ماعنده شجون
.................... بينه وبين البعد .. حب و صداقة
؛
أو نهر من حسرة على سيله اطعون
.................... تورق وتثمر ..لا غشاها اندفاقه
؛
استغفر الله كن هالموت مدفون
.................... على طريقي وفي خطاي انفلاقه
؛
الموت .. هاويني ويغليني بجنون
.................... وله من قديم الوقت .. فيني علاقة
؛
أقــــــــــول
:
الموت ماله شكل أو طعم أو لون
................... الموت غدر .. يفرّق اغلى رَفَاقَهْ
|