أول شي مبروك قبولكم !
ثانياً والله نصيحه خذو كل المواد , انا باقي لي مادتين بس من تحضيري وشايله همها متى بدرسهم ومتى بخلص المواد الثانيه من التخصص .. بتنحاسون حوسه لو ما اخذتو كل المواد !
ولاتنسون ان لكم بس ست سنين بالجامعه بعدها طرد لو ماخلصتي وتخرجتي .
هذا انتو بالمدرسه كنتو تاخذون اكثر من 10 مواد بالترم الواحد وماشين عادي !
لاتقولون لا الجامعه غير والمدرسه غير
ترا الجامعه زي المدرسه بالضببببببببط بس بتعمق أكثر
اللي تشد حيلها صدق بتنجح . غيركم ماشاءالله قدر ياخذ كل المواد وينجح فيها يعني انتو ماتقدرون ؟
صح أن كل وحده لها قدراتها الخاصه وبعضكم يتعب حتى بخمس او ست مواد
بس تراه بس ترم واحد ! ترم واحد اللي بتنضغطون والترم اللي بعده مره سهل وبيصير عندكم أوف وترتاحون .
نجي لأفضل دكاتره ..
الانجليزي جربت ثيرومالا , هنديه
هالدكتورة مرة حبيتها اخذت عندها انجليزي عام وانجليزي قراءة وانجليزي كتابه
ولا فكرت اخذ عند غيرها .
أهم شي عندها تكونين مشاركة معاها وتحلين واجباتك وراح تنجحين وتعطيك درجات كثيرة زيادة لما تشوفك شاطرة بالكلاس
فقة السيرة اخذت عند دكتور اسمه محمود ااظن :/
الزبدة لاتاخذين عنده كان يقرا بس من الكتاب
ومثلا احنا بصفحة 10 , فجأه تلقينه رايح صفحة 16
حملت الماده عنده =)
النحو التطبيقي 1
جربت رزان خدام , تسوي دايم اختبار تحسين واخذت نحو 2 عندها بعد
ماتعجب الكل ! صديقاتي مايحبونها ويقولون انها بس تضحك مع البنات وتسولف
بس عني انا حبيتها لأنها تساعد الطالبات وكلاسها مش ممل ابداً
الصحة عندك ايات الشرع تعطي درجات بالهبل .
تحرير عربي وضحى القحطاني
صح أنها ماتخليك تشاركين وبس تقرا .
بس من كلاسي محد حمل المادة عندها وتسوي تحسين للي درجتهم ضعيفه + اختبار تحسين لكل الكلاس
والماده يبي لها تركيز صراحه لآن لو تغلطين غلط بسيط يعتبر كله غلط وتنقصين درجة او درجتين .
بعضكم بيحسبها مادة تافهه بس شدو حيلكم فيها .
مبادئ ادارة دكتورة نبيلة
نجحت عندها بتقدير حلو
دايم تحدد وتحذف اشياء كثيرة
مهارات التعلم والتفكير جربت اسماء , ماحبيتها
واساسا ماكنت متقبله الماده لأن يبي لها تفكير وتخيلات ومدري ايش
الاحصاء جربت أمل ياسين شرحها يجنن وتخليك تفهمين صح
اهم شي لاتغيبين عن كلاسها لأن لو غبتي بتتخربطين .
مدخل الى تقنية المعلومات جربت دكتورة سناء اظن اسمها
ممله وكنت انام بالكلاس من الملل
صح انها تساعد البنات وتنجحهم بس شرحها ممل وكذا يعني الكلاس كله نايم
وزي ماقالو انتو اول ترم بتكونون بشعبه وحده
يعني اذا كنتي بالاحصاء شعبه 4
بكل المواد تصيرين شعبه 4
فمو شرط يكونون كل دكاترة شعبتك عدلين ..
يمكن يكونون كلهم كويسين الا ماده وحده الدكتورة مو زينه > وصارت العام كذا لصديقاتي بأغلب الشعب