2014- 7- 25
|
#14
|
|
مشرفة المستوى الثامن علم اجتماع سابقاً
|
رد: نقـد النقد .!
_
ربما أتفق معك في موقف النقد ..لكن مادخل موقف الناقد وموقف المنقود .!أيحمل كل منهما آثار سلبيه !!
اي طبعا لهم تأثير ع النقد وطريقة تقبل النقد , اعطيك مثال لاجاك شخص مايفقه شي ويتكلم بس من هوا باله بدون اي ثقافه او علم او اطلاع بس لمجرد انه بيسلك درب غيره ويسوي نفسه فاهم هنا اذا كنت عارف ذا الشخص وش هو بالاساس ماراح تتقبل ان هالادمي ينقدك , وبالنسبه للمنقود بعد لو كان شخص ذو علم وثقافه عاليه ماراح يتقبل شخص معدوم الثقافه ينقده لازم يكون في تكافؤ بين الناقد والمنقود , ماعداهم من المطلعين يمكن توجيه اراء ونصايح لكن ماتكون بطريقة نقد لان ماينقد الا شخص يكون ذو خبره وثقافه واطلاع .
_
عدم الإكثار .!! أي يُعتبر نقد هادف وبناء عندما يكون هناك ، القليل من التجريح والتهجم !
ايه طبعا , التجريح والتهجم من متى جاب نتيجه بجميع امور حياتنا ؟ فما بالك لاجا شخص ينقدك شلون تتقبل وهو يجرح فيك ويتهجم عليك بالنهايه كل شخص له قدره وله مستوى ادراك معين انا اشوف شي انت ماتشوفه وغيري يشوف شي انا ما اشوفه لازم النقد يكون بحدود المعقول وبحدود الاحترام لان مو شرط نقدك يكون الصحيح .
_
ومالعيب في المخالفة ...ألا يحق للشخص أن ينقد فقط لأنه يريد ان يخالف ..أليس من حقه أن يدلي برأيه ..أيوجد موضوع فعال بدون نقد للمخالفه ..ألا يستخرج لنا من هذا النقد عيوب الشخص ودحض شبهته ..ومالعيب في المخالفه في حين أن كاتب الموضوع يستطيع أن يدحض جميع الشبهات !! أفعل أستطيع أن أقول للشخص "لاتنقدني لمجرد حبك للمخالفات ..! وإن خالفني عليه أن يخالفني في الموضوع كرأي ، لا كرأيي في الموضوع .
ع كثر ماكنت احب فلسفتك الا اني اكتشفت انك تخلط الامور ف بعضها !
فيه ناس شغلتها تقولها يمين تقولك يسار خلاص مبدأ ان انا لي رأي حتى لو كان غلط او احيانا اعداء النجاح يخالفونك بدافع حسد او غيره حتى لو كنت صاحب علم وثقافه ولاعليك غبار ! ..
النقد يؤخذ من اهله ويعمل به اذا كان الناقد يملك بعد فكري وثقافي وعنده رؤية للامور !
لكن حي الله احد يجي ينقد شخص مايكافئة لابالمجال ولا بالثقافه هنا يكون فيه عدم تقبل
+ اي شخص يحق له الادلاء برأيه لكن مايسمى نقد ! لان النقد له ركائز كثير ممكن اي شخص عادي يجهلها ..
_
جميل الموضوع والاروع النقاشات اللي تثمر بنهاية المطاف ودائما اختلاف الرأي لايفسد للود قضية
دمت اخوي 
|
|
التعديل الأخير تم بواسطة .Perfect ; 2014- 7- 25 الساعة 05:08 AM
|
|
|
|