الفيزياء تحصلينها مثل ماقلت لك بجداولهم
نازلة مع حسني ونداء.. بتلاقينها أسفل جدول كل يوم مكتوب لطالبات الرياضيات
بالنسبة للجبر الخطي.. أنا درسته مع رامي
مايوصل لك المعلومة بسهولة، لكن يجتهد ويحاول
غالبًا الأسئلة من اللي يكتبه لكم،، بس مشكلته التصحيح!
عمومًا المادة سهلة
تحويلات خطية وحلول معادلات ومصفوفات
وأيضًا مبادئ الجبر سهلة.. تباديل وزمر وبراهين جبرية خفيفة
لكن على الرغم من سهولتهم مايبي لك تراكمين.. أول بأول تذاكرين :)
مواد مستوى ثالث كويسة وسهلة، وتعتبر خفيفة مقارنة باللي بعدها
بس اللي يبي لك تشدين حيلك فيه التكامل، هذا شوي يبي له، مو عن صعوبته ولكن افكار التكاملات يبي لها تدريب
الطرق تكون واضحة، لكن أي طريقة تستخدمين، وكيف تبدين فيها، هذي تجي مع كثرة الحل :)
المتطلبات شوفيها بخطة قسم الرياضيات
تحصلينها بموقع الجامعة، بالتوفيق ()