ملتقى طلاب وطالبات جامعة الملك فيصل,جامعة الدمام - عرض مشاركة واحدة

SILENT. · 2014- 7- 27

اقتباس:

اللي درسوني :

( مواد مستوى ثالث )

ليلى الحسن / تجنن هالدكتورة ليتها تدرس كل المواد ! لاتفوتك لو شفتيها على طول خذي عندها
لاشافتك معاها و تحبين تشاركين وتسولفين وياها وقتها بتحطك ببالها وبتساعدك كثير كثير
وهي اصلا طبعها تحب تساعد البنات ! ومثل ماقالو اسألتها جداً واضحه وسهله .. اخذت عندها انشاء 1

بتول بخاري / اخذتها بمادة قرامر على اساس ان الدكتورة تفهم الماده ومدح بنات كثير لها
وانصدمت من اللي شفته !
يمكن بعض البنات يحبونها ويحبون اسلوبها بالتدريس بس ما اعجبني
الكلاس كله نايم
وتاخذ كل وقت الكلاس ماتطلعنا الا بالوقت
وماعمرها الغت كلاس واحد حتى بأخر اسبوع قالت داومو !
باختصار الكلاس معاها يصير جداً ممل وصصصععب
صعبت الماده وصرت أكره كلاسها
فيه بنات يحبون كذا , يحبون الدكتورة تقعد تتفلسف وتتكلم كثير وطول الوقت تشرح
انا ما احب كذا فما اعجبتني
لو اشوف اسمها ومافي الا هي ماباخذ الماده لو ايش

ياسمين مروان / درستني قراءه
مدري شقول عنها مسكينه هالدكتورة
كل الكلاس يسولف ويضحك وهي تتكلم مع نفسها محد حولها
وبنهاية الكلاس تقول مين شارك اليوم . وكل البنات يقولون اسمائهم حتى اللي ماشاركو
لاتاخذين عندها .. يعني بعدي عنها قدر الامكان , بس لو مافي الا هي عادي خذيها وشدي حيلك جد وخليها تحفظ اسمك وشكلك عشان تعرفك وتعرف انك وياها دايم
وكنت اتوقع 90% اني احمل الماده لاني ما اشارك وكله اسولف ودرجتي بالميدتيرم مو حلوه , بس كنت مسلمه كل واجباتي + تلخيص الكتاب
ونجحت الحمدلله .

انفال العويشز > مو متأكده من أسم عايلتها / درستني استماع . معيدة اظن
حبوبه وطيوبه ماتاخذ كل المحاضره
صح ماتساعد ويعني تعطي كل بنت حقها بس تسوي كويزات كثيره وشكلها اخر شي تاخذ احسن درجه
حليوه هالدكتوره

( مواد مستوى رابع )

احمد حسن / درسني لغويات , اخذته على مدح كل بنات المنتدى هنا
الدكتور طيب طيب طيب مرررررررره
ويساعد كثير ويعطي كويز تحسين
بس الماده كانت صعبه ويبي لها بنت فاهمتها عدل والفاينل الاسئلة تحطها د. اميمه
وحملتها نقرتين لعرض الصورة في صفحة مستقلة بس ان شاءالله باخذ عنده لو القاه يدرسها
مايتفوت هالدكتور , ادسي معاه زين وبتنجحين !
جمعي معه درجات باعمال السنه وتضمنين نجاحك بالفاينل

عليا البدر > اظن اسمها كذا / الله يهديها
والله من جد الله يهدي هالدكتورة ! ماتساعد وماتعطي ولا بنت درجه زياده
ابعدي عنها لاتاخذين عندها لو ايش
محد ينجح معاها الا اللي ماشاءالله توب
درستني ادب وحملتها :/

شمس الدين / برضو درسني ادب مع د. عليا
مره يساعد ! كنت خايفه منه ومو كل البنات مدحوه بس اخذتها
طلع مره يساعد البنات يعني , بس خلاص اظن بيسافر

هناء محتشم / ياحليلها الله يسعدها
اخذت عندها انشاء 2 + استماع 2
تجنن ليت كل الدكاترة مثلها والله ! كل ماشفت اسمها باخذ عندها ان شاءالله
تقدر ظروف البنت مهما كانت وتحاول تجيب درجات للبنات وتحب تحب تساعد الطالبات
ماتسوي تحسين لو ايش
بس يعني تدور أي شي عشان تعطيك درجات

تهاني المنصور / شديده هالدكتورة شوي
يعني صح طيبه بس ماهضمتها مره لأن تبي كل شي بيرفيكت .
لو اشوف اسمها ماباخذ عندها يعني لأني مابي تدرسني دكتورة لو ايش ما اسوي مايعجبها شي
> درستني بسبيكنق

بس ذول اللي درسوني
وترا مو كل شي اقوله بيعجب البنات .
يمكن انا اخذت هالفكره عن الدكتورة , غيري كلامهها مو مثلي !
زي مثلا اغلب البنات يمدحون د.اميمه وانا بالعكس حتى اسمها يجيب لي خوف .
فمو كل البنات نفس الشي يمكن تعجبك بس ماتعجبني

هذا رد لي بأحد المواضيع ان شاءالله يفيدك .