مساتس ربي بانواره . . مبروك القبول اول شي
اول شي انا بتكلم لتس عن اول شي سويته يوم داومت
اول مادخلت ع الكفتيريا كان زحمة بنات والكل مجتمع بعدين الامن بيقولون لبنات تحضيري يروحون للمسرح وهناك يتكلمون لكم عن انظمة الجامعة والتسجيل والمقررات وكل شي وبيقولون لكم عن دورة مهارات الحياة الجامعية
ثاني يوم لما بتداومين بتدورين اسمتس مع الاوراق على لوحة الاعلانات الي عند الشؤون او بالمنتى بينزل بتعرفين انتي مع مين ووين
هي عبارة عن ورشة من يوم الاحد ليوم الاربعاء ضررروري تحضرينه صح بتحسينهاشي ممممره سخيف بس مهم عليه 20 درجة
والاختبار بيكون يوم الخميس اسم اختبار ومن عشرين لكن ترا شي بسيط عباره عن تمارين اساسا ابداً مايخوف
تضاف لمادة مبادئ التربية
البطاقة الجامعية : بالمسرح بيقولون لتس انو تصورين صورتين وكذا وتجيبينها وتاخذين استبيان من الشؤون تعبينه وترفقين الصورتين وبعدين يسوونها لتس ومو ضروري من اول يوم بس ضروري قبل اسبوعين
الجداول : بالعادة ينزلون ٦ نماذج لجداول تحظيري وانتي تختارين واحد وتسوين زيه او ترتبينه على كيفتس ، يفضل تختارين واحد وتمشين عليه لان كل جدول شعبة
الشعبة يعني المجموعة الي ياخذون معتس المحاضرات بنفس القاعه ونفس الوقت
اذا تبين تسوين لتس اوف او تغيرين بالجدول بكيفتس بس اهم شي نفس المواد
يعني ماتتهورين وتاخذين فيزياء وكيمياء ورياضيات واحياء بنفس الترم !!!
كل الجداول السته الي بتنزل نفس المواد ماعدا
اول ثلالث جداول بيكون فيها رياضيات واحياء . . والثلالث الثانية فيها فيزياء وكيمياء
لو اخذتي الترم الاول رياضيات وفيزياء الترم الثاني تاخذين فيزياء وكيمياء
لاتاخذينهن مع بعض بينزل المعدل لو انتي علمي
ادبي ماعندي خلفية
وطريقة التسجيل ع اليوتيوب
اي والكلاسات بتكون موجودة بالجدول يعني تحت مقرر المادة مكتوب رقم ذا رقم القاعة
ويارب اكون افدتس بشي