المشاركة الأصلية كتبت بواسطة حنان1

السلام عليكم

كيف حالكم ؟ شخبار الإجازة معاكم يلا باقي بس شهر ونبتدي ل هم الدراسة

الحمد لله بخير ، بس تري مب هم بالعكس وناسه

عندي كم سؤالين حابه أسألكم من باب الفضول والحماس

ابي اسأل عن أخلاق المسات معاكم وكيف تعاملهم معاكم ؟؟ ووكيف طريقه الأسئلة ؟
يعني الدراسة بشكل عام صعبة ولا ؟؟

المسات طيبات جدًا كوني مؤدبه و خلوقه يحطونك على راسهم
طريقة اسئلتهم تختلف من وحده للثانيه و بعد من ماده لماده تختلف

سمعت انكم تاخذو المحاضرة وتذاكرو منها صحيح ؟؟ او عندكم مصادر اساسية وكتب تذاكرو منها ؟؟

اي نذاكر من المحاضرات و الاسايمنت و اذا كانت الماده تحتاج لكتاب نذاكر منه

الدوام اقصى حد إلى الساعة كم ؟؟

على حسب جدولك ، بس مايتعدى الساعه
3:00
اول يوم دوام لزوم نتقيد بالزي الرسمي ولا عادي نكشخ ؟

لا عادي البسي اي شيء و هم بيعطونك سكراب بعدين خوذي على لونه و فصلي او اشتري


وكمان سمعت انه تقدرون تاخذوصيفي . الصيفي يشمله المنحه ولا ما يشمل ؟؟

لا مافيه صيفي بالكليه

أول يوم دوام يكون في مبنى رقم واحد أو ثنين ؟

اول يوم دوام بنفس المبنى اللي سجلتي فيه حق التحضيريه و التمريض
على اساس ان المبنى بيتغير بس لحد الحين ماعندنا علم

آخذ لي جهاز لاب توب من الحين ولا الكلية توفره لنا ؟

1. لا خوذي لك افضل .. بتحتاجينه كثير و الكليه مابتوفر لك

وشكرا