رد: كيف استلم وثيقه التخرج من جامعه الملك فيصل إدارة اعمال ؟
وعليكم السلام ورحمة الله وبركاتة
اولا :
تاخذ بعضك وتنطلق للاحساء
ويفضل تروح بدري الصباح .
طبعا الخط فيه تحويلات ووعر شوي .
عموما : اذا وصلت الاحساء اسأل وين طريق الجامعه وبتلاقي اللوحات مكتوب جامعة الملك فيصل
دخلت الجامعة :
رح لمبنى عمادة التعليم عن بعد (طبعا الجامعة مرتبة وجميلة)
بتحصل استقبال فيه موظفين حساويه على كيفك
خذ من عندهم نموذج اخلاء طرف تعبيه او تلاقيه على طاولة الاستقبال - يجون الشباب من الساعة 8 صباحا وتوقع اخلاء الطرف من مكاتب عندهم (الشؤؤون المالية والاكاديمية).
بعدين ارجع عندهم(اي الاستقبال) استرح لين يجيبون ملفك .. وفيه :
الشهادة الثانوية وحسن السيرة والسلوك وورقة بنك الرياض اللي فيها اول رسوم للجامعه
بعدين تروح لمبنى - التسجيل والقبول (لازم بالسيارة)
وهناك تروح لقسمك (انا اداراة اعمال)
ويتاكدون من بطاقة الهوية او التوكيل للموكلين احد - ويعطونك الشهادة معاها سجل اكاديمي بالعربي والانجليزي (هنا انتهى)
بعد ماتطلع من مبنى القبول والتسجيل على يسارك مبنى كلية التربية اطلع الدور الثاني - بتلاقي صديق على كيفك يصور لك 5 نسخ ب10 ريال .
ارجع لمبنى القبول والتسجيل وصدقها منهم .
طبعا فيه ختمين واحد عربي وانجليزي
ختم السجل الاكاديمي اللي بالعربي بالختم العربي والعكس .
والف مبروك التخرج للجميع
وعقبال البقية
صورة مبنى عمادة التعليم عن بعد ونموذج اخلاء الطرف مرفقه
|