أهلا أختي حنين
مبارك لك التخصص وإن شاء الله تستمعين معنا بقسمنا الجميل
امم
عندي كذا نقطة حابه أوضحهم لك
- خطة القسم (بالمرفقات)
الخطة توضح لك المواد اللي بتدرسينها ووقت نزولها
يعني مثلاً مواد المستوى الثاني ,الرابع ,السادس والثامن هذي تنزل بالترم الثاني دائما وصعب تلقينها نازلة بالترم الأول من السنة ,وأحياناً يكون فيه أستثناءات وتنزل ببعضها وتلقينها
-بالنسبة للمتطلبات هذي بعد تكون موضحه بالخطة
ومعنى متطلب : مقرر تحتاجين تأخذينه علشان تأخذين المقرر اللي بعده
مثلاً : علم الخلية متطلب لمقرر علم الوراثة, يعني ماتقدرين تأخذين وراثة وانتي ما أخذتي الخلية
-هذا السمستر مانزلت مواد مستوى 2 فــ خذي مواد عامة
فيه كيمياء عضوية هذي مستوى 3 ومتطلبها كيمياء عامة,إذا انتي ناجحه بالعامة توكلي على الله وخذيها
ومرة وحدة تفتكين منها لانه يبيلها جهد فبتركزين عليها
ولأن مواد التخصص كلها تعتمد على مقررات المستوى الثاني
أتمنى أكون وضحت الأمور لك بسلاسة
وبالتوفيق ♥
بالنسبة للعقيدة ,العقيدة الأسلامية هذي تبع خطة 2010 واللي هي تكون لنا
كان اسمها عقيدة واخلاق من زمان بخطة 2008
المقصود خذي عقيدة إسلامية
والحاسب اتوقع لسى مانزل الجدول