2014- 8- 12
|
#3
|
|
أكـاديـمـي
|
رد: التحويل الداخلي
السلام عليكم اختي .. انا تو محولة من كلية الحاسب ل كلية التصاميم والحمدلله انقبل تحويلي
اقول لك من تجربتي ومعاناتي >< ..
ماعليك من اللي يقول مايصير تحولين من كلية انزل الى كلية اعلى او انو نظام التحويل ملغي او او او .....
اول ما انقبلت ب الجامعة (مسار علمي ) رحت استفسر عن مسألة التحويل ..
وفي وحدة من المسؤولات الله يسامحها قالت لي ان مافي تحويل واحنا الغينا ذا النظام ..
قلت لها شلون وانا قريت ب لوائح الجامعة انو يحق لي احول مرة واحده خلال فترة دراستي ب الجامعة من تخصص ل تخصص ومن كلية ل كلية ، و الاستاذه مصرة على رايها ان انا
مالي امل وخلاص انتهى الموضوع
وتحطمت نفسيتي كثير لأني كنت داخله الجامعه ع امل اني بحول للتخصص اللي ابي حتى لو تطلب الموضوع اني اعيد السنة التحضيرية
شلت فكرة التحويل من راسي ودرست ع اساس انو خلاص انا مسار علمي وهذا اللي اختاره لي رب العالمين والحمدلله
خلصت سنة تحضيري على خير ومعدلي كان كويس ولله الحمد ،
لما صرت سنة اولى ب كلية الحاسب على نهاية الترم الاول ، تفاجأت ان التحويل انفتح ! شلون ؟ كيف ؟ ع الكلام اللي قالته لي الاستاذة الله يسامحها ان النظام ملغي ؟!!!!
توكلت على الله واستفسرت عن شروط التحويل وقالو لي انو الشرطين الوحيدين انو اجتاز تحضيري ومعدلي يكون فوق ال 3 وقدمت ع التحويل
ولكن م انقبلت :)
واستغربت انو ما انقبلت وضاق خلقي كثير ،
وقلت انو خلاص حتى لو فتح التحويل مره ثانيه م راح احول لآنو خلاص تعبت نفسيتي وابي استقر بدراستي ،
ولكن فتح التحويل مرة اخرى في هالاجازة الصيفية وقلت مش مشكله خل اجرب هالمرة واتوكل على الله وما راح يضرني شي
وفعلا انقبلت ..
واكتشفت قبل كم يوم سبب رفضي لما حولت الترم الاول ( اني ماكملت ترمين ب كلية الحاسب ) وهذا الشي طبعا عرفته من لوائح الجامعة ..
ف النهاية شروط التحويل هي كالآتي :
التحويل له 3 شروط ..
اول شرط انك تخلصي تحضيري
والشرط الثاني انك تدرسي على الاقل ترمين (سنه) في الكلية اللي من بعد التحضيري
والشرط الثالث انو معدلك ماينقص عن ال 3 ونص ف التحضيري
الله يوفقك ويرزقك ب اللي فيه الخير لك
ودعواتك لي لو كنتي استفدتي
|
|
التعديل الأخير تم بواسطة ياربي ياكريم ; 2014- 8- 12 الساعة 01:17 PM
|
|
|
|