وعليكم السلام ورحمة الله وبركاتوا يا هلا فيك نورتي قسم الأنجلش وان شاء الله يسهل عليك كل حاجة هو القسم يتطلب مذاكرة اولية اول بأول وعندك مادة القراءة والكتابة مادتين ما فيها صعوبة لكن تحتاج تركيز ومذاكرة اول بأول وتعتمدي على أسلوب وشرح الدكتورة طبعا عند القراءة مادة تعتمد على التركيز عبارة عن قصص طويلة ممكن تجي صفحة او اثنتين تحتاج تركيز وعليها تقييم المحاضرة الجايه وأسئلة عن القطعة اللي درستيها بمعنى عام اختبار شفوي وعليه درجات وطبعا الدكتورة بتقرأ القطعة وتقول لك اكتبي السؤال وهذا جوابه بالقطعة وبعد عندك كلمات جديدة بالقطعة تقرينها وتحفظينها وفيها اختبار في كل يونت وتعطيك الدكتورة واجب استخراج اجوبة للأسئلة وأعتقد اسم الكتاب across the board ,غلافه ذهبي طبعا هذا انجلش قراءة اذا بتذاكرين اول بأول وتفهمين مع الدكتورة بيسهل عليك وبعد راح تدرسون unit 1-2-34-9 وطبعا كل فصل يختلف التوصيف وممكن يغيرون التوصيف عالعموم بتعطيك الدكتورة توصيف وفي اختبار القراءة والأسئلة حق القطعة اللي درستوها المحاضرة اللي طافت وبعد الدكتولرة تسوي لك اختبار قراءة تقرأين جزئية محددة وتمرنك عليها وتعطيك قطع تستخرجين منها الأجابة عاساس تتدربين على الأختبار لحد هنا خلصنا من القراءة
================================================== ===============
نجي لأنجلش الكتابة مادة سهلة وممتعة ما تحتاج لمذاكرة الكتاب اسمه step by Step ويحتوي الكتاب على قطع وقوانين انك تكتبين بالكيبتال بالبداية وتكونين قادرة على استخراج الكلمات المكتوبة بشكل خاطئ وكل يونت يختلف عن الثاني ثاني يونت وصفي بيتكم وبعدها وصفي طريقة اعداد السلطة او الكعكة طبعا المادة تتكلم عن التعبير وكتابة البارجرافات بشكل صحيح وفي كل unitعندك كلمات او حروف جر او قاعدات جديدة وطبعا لازم تستخدمينها في كل قطعة بتكتبينها وتراعين انه الجملة تكون صحيحة من الناحية اللغوية وقانون الكتابة وعلامات الترقيم وطبعا الدكتورة راح تسوي لك اختبار كلمات عبارة عن جمل وفيها كملي الفراغ بالفعل المناسب لكن هنا في نقطة الدكتورة ما تكتب لك الأفعال انتي اشتغلي قبل الأختبار واحفظيهم ومكان استخدامهم وين يجي وحلي وهنا لازم تركزين طبعا اختبار تكتبين برحراف تحدد لك موضوع واكتبي باستخدام الكلمات اللي درستيها وطبعا ممكن تطلب منك الدكتورة تشترون ملزمة من مكتبة الجامعة لمادة انجلش كتابة وفيها قواعد نحوية وكلمات تساعد على التمرين بشكل مذهل وممتع وان شاء أكون افدتك ولو بشيء بسيط أتمنى لك التوفيق والنجاح