مبروك عليكم القبول بالقسم الجميل
اول شي احب أنبهكم منه بحكم التجربة ضروري ضروري ضروري ماتتركون ولا مادة كل المواد أخذوها اذا حسيت عليك ضغط لأتأخذين العامة
التخصص مهم جداً انك تأخذينهم كلهم وتنجحين فيهم ان شاء الله لان وراها متطلبات بالمستوى الرابع والخامس الى أخرة
وبالنسبة للدكاترة متعاونين جداً مع البنات بس أنتي لازم تشدين حيلك من البداية وماتتساهلين فيهم وان شاء الله بتمشين
وبالنسبة لدكاترة مستوى ثالث بقولك عن تجربتي
الجغرافية الطبيعية كنت مع الدكتورة أيمان القاضي هذه الدكتورة تبي الطالبة تكون معاها ماشيه سيدا لايمين ولا يسار شاركي لاتتأخرين عن المحاضرة ربع ثانية لان مستحيل تدخل البنت وراها سلمي واجباتك بوقتها اسئلتها متنوعه مابين الموضوعي والمقالي بالنسبة للمقالي لاحظتها تحب التعداد وعندها بونس خمس درجات لطالبة الي تحضر كل المحاضرات هذه كثير كثير أستفدت منها
الجغرافية البشرية خذتها عند الدكتورة نوف الشمري هذي الدكتورة طيبة وحبوبة وأسئلتها جداً سهله
الجغرافية الأقتصادية أخذتها عند حسين عبدالفتاح هذا الدكتور زين بس يحب البنت الي دايم تشااارك وحافظي على واجباتك عنده الاختبار عنده كل مقالي بالنسبة لشهري اما النهائي تكون متنوعه يعني لازم تحفظين المادة كويس عنده
الأساليب الكمية خذتها عند فريال الهاجري أغلب البنات ذموا لي هالدكتورة بس بصراحة. طلع العكس تمام اسئلتها جداً سهله تفهم المادة بالمئة بالمئة تحب البنت الي تشارك
مساحة وخرائط هذه المادة خذتها عند الدكتورة ايمان العبد الصمد اذا شفتيها أخذي على طول عندها ولاتتردين مصرية طيبة وحليوه تشرح من قلب قلبها :d كانت اختباراتها كل على البلاك بورد بس السمستر الي راح غيرت خلته واحد كذا والثاني بالكلية اسئلتها كانت جداً سهلة لدرجة ان الأرقام ماتغيرها تشاركين عندها مرة وحده على طول تأخذين خمسة بس خليك منتبه معاها من البداية لان المادة اغلبها فهم ومسائل
العالم والمناخية خذتهم عند الدكتورة جميلة وهذي الدكتورة اسم على مسمه صراحة تساعد البنت مرة وأسئلتها جداً سهله وبالنهائي تساعد الطالبة الي تحتاج درجات لنجاح وكذالك الدكتورة أيمان لان هالكلام هم قالوه جزاهم الله خير
وبالنسبة للمواد العامة عقيدة لسه مادرستها والاتصالات خذتها عند مها القاضي حبوبة وطيبة بمعنى الكلمة
ووووبس هذا كل الي عندي :d
مووووفقات