المشاركة الأصلية كتبت بواسطة الانتظاار

وعليكم السلام يا هلا فيك
قصدك لما تبين تسوين بطاقة جامعية ؟ اللي اذكره تحملين معك صورة شخصية (مثل حق الجواز) + بطاقة العائلة اذا مانسيت
وبالنسبة للدوام يعتمد على جدولك والايام اللي بتطلعي فيها ظهر او عصر يعني ممكن تكون من 8 الى 12 او من 8 الى 2 او من 10 الى 2 مثلا وكذا (بعد ماتسوين جدولك بتعرفي كيف اوقات دوامك) بالنسبة للبريك يعتمد على جدولك بعد ممكن تكون محاضراتك ورا بعض وماعندك بريك بس هو من الساعه 12 الى 12 ونص وقت للصلاة وكذا وعادي تروحين للاداب تقدرين اساسا الفاصل بينا وبينهم ممر
بالنسبة للاسبوع الاول انا من رايي انكم تروحون مرة بس الا اذا قالوا لكم تحضروا لازم وفيه اشياء مهمة مع اني ماعتقد لانهم بس بيقولون لكم عن الانظمة واللبس وكذا واساسا الاسبوع الاول تهيئة لكم عشان يعلمونكم ع الانظمة وكذا زي ماقلت لك فلو غبتي عادي ما يحسبون ولا شي بس حاولي انك تعرفين المباني اللي فيها القاعات علوم 1 وعلوم 2 وكذا والكلية ابد ما تضيع كانك بمطار على قول صاحباتي
الاسبوع الثاني تبدا الدراسة وياخذون الغياب
والجدول انتوو تسوونه واذا ماعرفتوا له تقدروا تراجعونهم ويساعدوكم فيه قبل ما تبدا الدراسة (طبعا خذوا فكرة عن الدكاترة لا تسجلون وبس )
بالنسبة للوكر اذا تبين مع انه مكانهم بعييد بالنسبة للقاعات يعني تحطين فيه عبايتك بس اما الكتب لا بتحملينها معك خصوصا اذا محاضراتك ورا بعض
المهم تروحين عند مبنى اللواكر يصير مقابل للباب اللي ندخل ونطلع منه تروحين للامن والظاهر انه الترم ب100 اذا مانسيت ويعطونك قفل مع اني افضل يكون من عندك القفل تجنبا للسرقات
بالنسببة للتحويل تقدرين بعد ماتنتهي من دراسة 24 ساعه وبشرط انك تجيبين معدل من 2 وطالع بس انتي اطمحي لل3 وطالع عشان لا يتعذرون ويحولونك اذا حابة كليات غير كليات الطب (المسار الصحي ما يقبلون نحول له للاسف)

بالتوووفيق حبيبتي
واي سؤال عندك اسالي لا تترددي