ملتقى طلاب وطالبات جامعة الملك فيصل,جامعة الدمام - عرض مشاركة واحدة - جميع التخصصات تجمع طالبات كلية العلوم المستجدات

souly · 2014- 8- 16

اقتباس:

المشاركة الأصلية كتبت بواسطة mosh88

السلام عليكم ورحمة الله وبركاته

هلا حبيباتي

بتكلم لكم عن نظريتي البسيطه للأقسام ويارب اتوفق بمساعدتكم شوي

بالبدايه القرد بعين امه غزال و كل شي حلو بعين اللي يحبه فلا يغرك اللي تمدح وتذم بتخصص معين ممكن هي ما تأقلمت معاه او انحازت له لأنه تخصصها

ولازم حطين ببالك ان ما تدخلين تخصص عشان الوظيفه بس لان الرزق بيد رب العباد وممكن تدخلين افضل قسم وتصيرين اشطر بنت بسمو مكتوب لك الوظيفه

نبدأ بسم الله

الاحياء

يتكون من محاضرات و معامل

يعتمد كلياً على الحفظويبغالك على الاقل كل اسبوع تمرين ولو قراءه على كل ماده لتثبيت المعلومات خصوصاً الدسمه منها

تخصص جميل يحببك بالحياه والطبيعه والكائنات الحيه اللطيفه

يبغالك مخ فاهم كيف يحفظ ويرتب أموره من خرائط ذهنيه وربط بالمعلومات

تخصص واقعي بحت وما ننسى المعامل الجميله والتشريح الممتع وان كنتي تحبينه كل شي بيكون سهل

الماث

يتكون من محاضرات وتمارين

التخصص اللي يحبه الشخص المُجيد باللعب بالارقام والمعادلات ويستمتع باللحسه ودايم فطن ومنتبه بحصة الرياضيات بالمدرسه

نفس الفكره فيه مواد مره سهله وفيه الغثيثه والاهم انه مرتبط شوي بالفيزياء

ويبغالك تكونين عارفه الاساسيات القديمه ومتعمقه وفاهمه

شرح الدكتور مهم لان اذا انكبتي بأحد ما يعرف يوصل المعلومهفممكن ما تمشين فلزوم الاختيار الصح للدكتور

الفيزياء

يتكون من محاضرات ومعامل وبعض المواد تمارين

فيل محبوس بقاروره مافيها اوكسجين

التخصص المجنون المعاكس للأحياء والشاطح بالخيالات والتحليلات الغريبه

اذا كنتي من النوع اللي يعشق الخيال والحسابات الغريبه المتعلقه بالفضاء والاشياء الغير مرئيه الصغيره جداً مثل النانو والذره وكذا فبتحبينه

فيه جزء كبير من القوانين ومرتبط بالماث والحسابات وويبغالك مخ نظيف يحب اللعب والشقلبه والاستنتاجات

المواد الدسمه يحتاج لها دكتور فاهم وممكن تنكبين اذا مو فاهمه نقطه بسيطه

تخصص دقيق

الكيمياء

يتكون من محاضرات ومعامل

التخصص المُحلل للكون والتركيبات الداخليه ويعتمد على المعامل والشغل ومعرفة المواد الموجوده في الطبيعه

اذا كنتي من محبين المواد واللخطبه فيها وشوي من الحسابات الرياضيه الذكيه وودك تفهمين الدنيا ومكوناتها فبتستمتعين فيه

وايضا مهم فيه الدكتور وطبيعة شرحه

يفهمك اشياء جديده بالحياه وكيف تكونت بعض المواد والاشياد اللي نستخدمها يومياً وم هالشغلات

وبس

الله يوفقكم يارب ويكتب لكم الخيره في جميع أمور دينكم ودنياكم

طيب عادي نستخدم الحاسبة ولا ممنوع ؟