لا جـتـك زلــة مــن رفـيـق تـــوده
رفيـقـك الـلـي مــا تـعــدد مـزايــاه

رفيقـك اللـي تقصـده وقــت شــده
وتنحـل لا مـن شفـت طلـة محيـاه

بـيـنـك وبـيـنـه خـــوّة مـسـتـجـده
متجـول فـي قلبـك أدنـاه وأقـصـاه

حبـل الوصـل بينـك وبيـنـه يـمـده
يمـك يسوقـه قلـب وتشيلـه خطـاه

نفـسـه يطّمنـهـا ولــو فـيـه حـــده
لأجـل الرفـيـق يـكـب شــي تمـنـاه

مـا يتـركـك فــي سهـلـة مجـرهـده
طيّب وهـذا طيـب ساسـه ومجنـاه

صقر ينومس بالقنـص مـن يهـده
وافــي شـبـور وطـيّـبـات نـوايــاه

احـذر خـطـاه لغـيـر نفـسـك تـعـدّه
واحذر يجي غيره ويجلس بمركاه

ادمــح لــه الـزلـة وحــذرا تـضـده
ودور علـى عــذر يـعـذره وتلـقـاه

لا تشيـل نفسـك والجبـل لا تـهـده
واحذر تكـون اللـي نقـل داه بـرداه

بـاب الجـفـا لا فــك عـجـل بـسـده
وإبليس لا ابلس بالقطاعـه تحـداه

أوصـل رفيقـك عاتبـه فــي مــوده
وبيّن له اللي حس بك من خطاياه