وشلون مدري كيف روحين في روح
ما كنت اصدق باندماجكـ يالارواح
معقوله أحد يمشى معي وين ما اروح
معقوله انا امشي معاه وين ماراح
أول احسب ان الغلا ضحكـ ومزوح
سمرة سوالف بين مركه ومسباح
اثرى الغلا بهالوقت احاسيس وجروح
لـوعة مـشاعر بين ذابح وذباح
ما يعرف الرحمه ولا يستر البوح
الزين من مثلي على جمرها طاح
ادري خطى مني ولاني بمسموح
اشكـ في روحي وانا فيكـ مرتاح
بس اعذريني عاشقكـ فيكـ مذبوح
بين الرجاء والياس ضيعت الافراح
احلامي وأمال ومواعيدي واطموح
يمكن مدى صبري بتاليه مفتاح
والحين اقول بصدق روحين في روح
صدقت والله باندماجكـ يالارواح