هنا كم سنه من عمري أعيش وداخلي جروح
هنا قلبي رحل عني وكثر الحزن قاسيته
هنا جرحي ترك دفتر مسجل به ألم مفتوح
هنا قلبي رفض بُعدك وغصب البُعد خاويته
دخيلك ليه يايبه خنقت صوتي المبحوح
دخيلك كيف هالدّنيا تذلّ الشخص في بيته
كبيرة صدمة الدّنيا تجازيني كثير النّوح
يكون آخرها حرماني من أغلى حبّ حسّيته
فمان الله يايبه فمان اللّي عطى هالرّوح
وداعك يصرخ بروحي وأنا بالقلب خبّيته
ياقبر أبوي إذا تسمح بجيلك لابغيت أبوح
بجيلك لانفذ صبري وأحسّ العمر ملّيته
بجيلك وأجلس قبالك وأحطّ إيدي على هاللّوح
وأحس إيدي بيدين أبوي ياليته صدق ياليته