ملتقى طلاب وطالبات جامعة الملك فيصل,جامعة الدمام - عرض مشاركة واحدة

الحنين الباكي · 2014- 8- 21

اقتباس:

المشاركة الأصلية كتبت بواسطة * sile(N)t ..

اي والله يا بسمـة ، يطالبون بأشياء تصعب علينا وتتسكر بوجهنا واخر شي ياخذون اللي عندها واسطـة
وانا رحت اليوم ، ف مدارس الى الأن مسكره وقدمت على ثلاث مدارس
تخيلوا بنات ؟؟؟ اول ما ادخل عالطول عندك خبره ؟؟ مثل السلام عليكم :)
حسيت بأحباط انا بدولة كبيرة ودارسين 17 سنة وغير اختبارات القدرات
واخرها اختبار كفايات ، يعني كل شي يطلبونه نسوية واللي نطالب فيه شي بسيط ولا يسونة ؟؟
ليه هالظلم .. وفي موقف صار يوم اقدم بأحد المدارس قهرني بالحيل ولا ابي اقهركم معي
بس الواسطة وصلت للمدارس الأهلية حتى اللي نظامها خرطي ع قولتكم :(
بنات انا مابي احطمكم ، تفائلوا وربي اقوى منهم ومعنا داييييييم
وقدموا بكل مكان واذا كانت المدرسة تمام وقالوا لك اول شي تدريب ماعلية وافقوا
واشتغلوا بعدها راح تنفرج صدقوني اقول هالشي بعد كلام بنت كانت مثلنا ، هم يبون يحطمون فينا
عشان نحتضن سريرنا ولانسوي شي .. مثل ماخلصنا كل هالسنوات راح نخلص صعوبة التوظيف

عسى ربي يفرحنا كلنا ، وبكره بروح وبجيب اخباري كلها اول بأول وان شاءالله خير

وانا نفس الشي من تخرجت مُحطمة طبعا متخرجة من السنة اللي فاتت كملت سنة الحين ومن بدايتها احس كلها مقفلة بوجهي وأصابني يأس مايعلم به إلا ربي كيف لو كملت كم سنة بعد مدري وين أقدم والله شهادتي آداب وغير تربوية وبسببها جاتني عقدة ناوية أدرس الدبلوم التربوي بإذن الله في هالجامعة بس ماأظمن قبولي ومدري كيف شروطهم عاد أنا ودي بالتدريس من زمان بس سببوا لنا عقدة شهادتك غير تربوية كرهت اسمعها هالجملة بجرب حظي واقدم معيدة بجامعتنا لان معدلي حلو واختبرت كفايات وجبت درجة عالية جدا انا ماتوقعتها وانصدمت بجدارة هالسنة وانتوا عارفين منعوا الغير تربويات من التقديم طيب اجتيازي بكفايات وش اسوي فيه هالفترة بقدم على المدارس الاهلية طبعا غير تربوية ومامعي خبرة ولا دورات ولا حاسب ولا ولا شي ماعندي غير وثيقتي ههه واجتياز قياس فقط وطبعا مااتوقع يعجبهم بالله اللي مثل هالحالة يقبلونها رغم اني اعرف بنات تخرجوا من نفس كليتنا وتوظفوا بااهلية ع طول كيف مدري لو تسألينهم ع طول يصرفون ، يابنات انا درست مواد تخصصي بخمس سنوات تعرفون حوسة المواد وكذا تذكرت لما خلصت رابع سنة بالاجازة بعدها جاني اتصال من جامعة الدمام استغربت اتصلوا على اهلي وعلي ازعجوني اقول وش قصتهم خفت ههههه قالت لي انتي مرشحة للتدريس في مدارس الجامعة ومن بكرا تداومين في جامعة البترول وتاخذين دورات وبعدها تتوظفين قلت لها كيف طيب انا باقي ماتخرجت باقي لي سنة خامسة قالت الجامعة رفعت اسمك على انك تخرجتي خلاص ماينفع راحت عليك قدمي علينا لو تخرجتي شفتوا القهر بس سبحان الله ماكانت مكتوبة لي اعرف زميلة لي تخرجت قبلي كلموها وحضرت دوراتهم والان تدرس ماشاء الله