حياج اختي جورية زميلة واخت ان شاء الله ..واتمنى لج التوفيق والنجاح.
بالنسبة لي الحمد لله اجتزت ثلاث مستويات وبتفوق (الف حمد وشكر لله رب العالمين )وكانت ممتعه جدا
من خلال تجربتي اقدر اقو لج ان توفيق ربي ودعاء امي واجتهادي هم السبب
كل مستوى من بداااااية الدراسة اعتبر نفسي طالبة انتظام وليس عن بعد اتابع المحاضرات اول باول واذاكرها
مسوية لي جدول بحيث ان كل اسبوع لازم احظر واذاكر لو مذاكرة بسيطة مجموعة من المحاضرات طبعا على حسب عدد المواد مثلا لو عندي خمس مواد كل اسبوع لازم انهي عشر محاضرات
مهم جدا تكون عندج خطة تمشين عليها
ساعات تصيدني ظروف وخلال الاسبوع كله مثلا مااقدر احظر شي بس لاني عندي خطة واضحة وجدول اقدر اعوض تاخير هلاسبوع
ولازم قبل الاختبارات على الاقل بثلاث اسابيع اكون خاتمة المنهج لكل المواد
عشان امسك كل مادة لمدة ثلاث او اربع ايام اذاكرها كاني خلاص بكرة بقدم الاختبار
طبعا في نقطة مهمة لازم تنتبهين لها ان الجامعة ساعات تتاخر في تنزيل المحاضرات على الموقع عشان كذا ان المادة الي يكون دكتورها موجديد يعني مدرس المادة للي قبلنا اروح ادور محاضراته على اليوتيوب (على فكرة ترى المحاضرات نفسها ماتتغير لو بعد عشر سنيين نفسها كل سنه يعيدونها ماتتغير الا اذا تغير الدكتور
)وكثير من المواد تلقين كل محاضراتها على اليوتيوب بس انتبهي ان نفس الدكتور مو دكتور ثاني وان لازم ترجعين تنزلين المحاضرات من موقع الجامعه عشان تنحسب لج درجة المشاركة
ماعليج من الي مايدرون عن الدراسة الا لي قربت الاختبارات
اجتهدي من اول الترم لاتراكمين عليج المحاضرات خلي امج تدعي لج ودائما لاتنسين الصدقة حرصي عليها
واتكلي على رب العالمين وفالج التوفيق