معذور ياللّي ماعرفت المعاذير
لوّك مليت القلب همّ وندامه
هذا الهوى حاله شبيه المقادير
محدٍ على كيفه يسيّر غرامه
تبقى غلاي ولايجي فيك تقصير
تبقى العزيز إبن الكرم والكرامه
بس لي طلب واحد ولافيه تأخير
إن كان تسمح لي عيون الملامه
مدري صراحه كنّه يصيرمايصير
لكن على كلّ حال ,كلّك فهامه
دام الضرورة تستبيح المحاذير
وأنا ضروري اللّيل أقدر أنامه
ودّي أضمّك ضمّة كليب للزير
لين الصدور تبان فيها علامه
من بعدها تصبح وتمسي على خير
يانور عيني.. رافقتك السلامه