|
رد: [ للنقاش ] : خطه سير القسم
ملاك انا مش مؤدبة بس خفت تشوتوني على لقافتي 
بأطلق اقتراحاتي بكل النواحي مش بس بالتلخيص < ايوه انا اللي ماصدق احد يعطيني الضوء الاخضر 
بالنسبة للتجمعات
بما انه فكرة القروبات الكل حبها بس كانت تاخذ وقت وجهد كثير
اقترح يكون لكل مادة شخصين فقط الكل يقدر يشارك باللي يبي بس مهمة الشخصين
تنظيم التجمع الخاص فيهم فقط يعني اضافة كل شيء يطرحه الاعضاء لتجمعهم
عشان لا يكون فيه اهمال ولا يكون فيه ضغط على المشرفة < يعني حل وسط
التلخيصات
المطلوب مذاكرته المحتوى والمحاضرات المسجلة فقط
عشان لا يصير ضغط اخر الترم على التلخيص من البداية اي شخص يلخص المحتوى
يمسك شخص ثاني تلخيص المحاضرة المسجلة واضافتها لـ التلخيص < وهذا اللي يضاف لاول الموضوع
اخر الترم كل اللي عليكم جمع التلخيصات في ملف واحد فقط
ماقد تعب احد في دفعتنا على الملخصات ابد لانه نلخصها اول بأول
واخر الترم انا او صديقتي نجمعها بوورد واحد بدون اي تعب او كلافة على احد فينا
بس اهم شيء من البداية لاتهملون اي تلخيص عشان لاتنضغطون اخر الترم
النظام الاجتماعي والنظام الاقتصادي الدكتور كان طالب "كتب" وكل محاضراته كانت من الكتب
ماكان ينزل لنا محتويات واللي نزله اخر الترم كان مجرد رؤوس اقلام مايجي حق صفحة
دفعتنا لخصت الكتب على وورد لإختصار الوقت بإمكانكم اخذ الكتب المحولة لوورد واضافة عليها شرح الدكتور < ما كن فيه وقت نضيفه لانه التلخيص كان اخر الترم او بالاصح اول يوم اختبارات 
الواجبات والاختبارات
محد مكلف فيها .. المفروض الكل يتشارك فيها ومايعتمد على اي احد
نصيحة هالسنة ذاكروا للأختبار الفصلي خصوصا اخلاقيات العمل لان الاسئلة تكون
من اسلوب شرحه ماتكون مكتوبة نصا من المحتوى يعني اللي يتابع يفلح واللي ما يتابع ؟؟
المحاضرات المباشرة
اقترح مجموعة تتكفل من بداية الترم بتسجيل المحاضرات
ويكون بإتفاق بينهم شخص يسجل المحاضرة والاخر يدون المهم
وحتى لو طافت المحاضرة بدون تسجيل .. سجلوها اذا نزلت "مسجلة"
محاسبة مالية واخلاقيات العمل والاحصاء اكثر ثلاث مقررات راح تحتاجون لمباشراتها في النهائي
وان شاء الله تكون هالسنة جميلة وخفيفة عليكم 
|