ملتقى طلاب وطالبات جامعة الملك فيصل,جامعة الدمام - عرض مشاركة واحدة - استفسار عام ساعدوني الله يفرج عنكم ابي اغير التخصص

حماااده · 2014- 8- 25

اقتباس:

المشاركة الأصلية كتبت بواسطة أمآل تٌـنتظـرْ

وعليكم السلام
الحمدلله بخير
اي والله معدلي بعد التراكمي 3,88
واول مستوى وثاني مستوى كان 4
بس انا يجيني خوف كل بداية ترم
لان لغتي مييييح واخاف اتخرج وانا كذا مين يقبلني مدرسه ههههههههههههه
المهم انا شفت ان كل التخصصات فيها صعوبه
ومثل ماقلتي ياليزاا لازم نذاكر اول بأول وكل شي نبيه لازم يجي بتعب

الله يسعدكم والله اني مابي افقدكم كزملاء واخوان ولي معاكم سنه والحين مع الترم هذا نكمل سنتين
فماابي غيررررررركم
خلاص تحلطمت بما فيه الكفااااايه
ههههههههههههههههه

صدق اللي قال امال تتحلطم

..
وش سالفتك !! الترم اللي راح كنتي كذا وتقولين احب انجليزي بس صعب ههههه والحين غير هههههههههههه !!

اعقلي ..
الان بتخلصين سنتين و وبتكوني في مرحلة القرار الصعب بعدها يا تكملين يا لا < يتذكر نفسه

يوم اني كبرك <!!!

اقولك يعني يوم اني من زمان.. كنت راغب في رغبه لتخصص ما بشكل كبير .. ولكن تعقدت .. وكنت عارف وش ابي مو متخبص .. بس مو مكتوب لي بس اخذت تخصص اخر ودرست فيه سنه كامله ومعدلي كان كبير واقدر احول الى التخصص اللي اطمح له بس يوم بغيت احول جتني مشاكل وطلبات ومنها اني ادرس سنه تحضيريه ! قلت لهم معصي على أساس ما ابي اضيع سنه .. وكملت سنه ثانيه في تخصصي وبعدها قررت اسحب بعد سنتين واروح ادرس انجليزي لاني وجدت ان الأمور اللي اميل لها تحتاج انجليزي علشان اتطور فيها ومنها ادرس تخصصي فقررت هذا القرار الذي اجدها ( انها خيرة بالنسبه لي ) وجتني ظروف وتعقيد وانا برى .. ورجعت طبعا لغتي قبل السفر كانت بالسالب والان بالزيرو

والى الان امني نفسي ان اتحدث اللغة لم استسلم صحيح اني خسرت وقت كثير .. ولكن اعتبر ان اللي خسرته غير من شخصيتي كثير ..فالاحداث هذي لو ما حصلت لي 100% انا لست كم انا < وانا احب نفسي كثير هههههه

وصحيح كلامك انتي لو تخرجتي بتكوني ميح ! بس لا تفكرين انك بتكوني مدرسه مو ضروري هالتفكير ..
علشان نكون صادقين مو ميح ميح .. بتكوني تفهمين بس التحدث والكتابه ممكن قليل

السؤال هل انتي تعملين ؟ اذا لا وش يمنع انك تطورين لغتك مع التكنلوجيا !
تذكري ان مدرس اللغة العربية يتخرج وهو فاهي ما يدري وين الله حاطه فيه ونفس الشيء المهندس

عندي لك حلول علشان تطورين لغتك حسب الحروب والمعارك التي عاركتها :
هذا رقم جوالي 055555

كلميني لكي نتحدث اللغلة الإنجليزية ههههه

نجي للجد : 1- هو الاستماع لمدة 6 اشهر للبرودكاستات الصوتية بشكل يومي لو مدته 10 دقايق اهم شيء تسمعين وافضل شيء تعيدي اللي تسمعينه في نفس اليوم وبعد يومين وبعد أسبوع
2- وفي اول أسبوعين محاوله معرفه كلمة واحده وتكتبين عليها جمل .. تستخدمين قوقل اذا ما تعرفين كتابه الجمله تسوين بحث عليها تحاولين تقرين أي شيء يتعلق فيها .. خبصي فيها .. وبعد الأسبوعين تحاولين تضيفين كلمه ثانيه او ثالثه .. حسب استطاعتك
طبعا طفش بكل تأكيد وتحتاج صبر

التكنيك لكسب اي معرفة ( هو الطفش والصبر )
والدليل على هذا : لو الحين شفتي واحد يتعلم الرسم لأول مره.. او يتعلم الطباعة او يتعلم البناء .. او الطبخ .. لأول مره

وجلسنا نراقب هالاشخاص
الاعتقادات اللي تجي في عقولنا اذا كنا متقنين المهارة اللي جالس هو يسويها واحنا مو اهل حكمه

: انا هذا وراه طريق طوووويل ومافيه امل يتعلم وخاصه اذا شفنا اغلاط يمارسها غبية لم نمارسها يوم كنا نتعلمها وبنرحمه ! ونبي ناخذ منه الشغله وتسويها له في دقيقة ..

الاعتقادات اللي تجي في عقولنا اذا كنا لا نعرف هذه المهارة اللي هو جالس يتعلمها : ان راعي طويله ويبطي يتعلمها ههههه ..وان هذا الشخص انسان فاضي ولا عنده شغله وجالس يضيع وقته

طبعا السؤال هل الشخص اللي جالس يتعلم مثلا الرسم هو يطفش وصابر !
طبعا الناس في كسب المعرفه بعضهم يحبون الشيء فكذا ما يحس ان اللي يسويه يطفش او يأخذ منه وقت .. فهو يكون مندمج فيتعلم .. وفجأه من دون تخطيط اصبح عنده معرفة في المجال هذا .. وهذي الأمور بالعاده تكون في صغار السن الطعشات وتحت .. بس اللي يسويه في الحقيقة لو نجلس نراقبه بنحس انه راعي طويلة
فكذا علشان نكسب المعرفة عن قصد نحتاج نكون راعين طويلة .. وبشكل تدريجي الأمور مو كذا فجأه

قصيت قصة لتجربتي .. ثم نثرت الحكمة اللي من جنبها .. ( مشروع شايب مبكر

)