2014- 8- 27
|
#5
|
|
أكـاديـمـي
|
رد: ليش هالقسم نايم فيدوني بمعلومات عن الدكاتره
اهلن
بتكلم لج عن اللي درسونا
طبعا اول شي ايمان اتعب وانا اقول لج تهبل تهبل شرح و اخلاق وتراعي الطالبه وماتحب التاخير اذا تاخرتي ماتدخلج او تقول لج في محاضره في هاليوم في مبنى كذا تعالي عوضيها عشان ماتحسب لج غياب
طبعا اول شي تسألكم تقول لكم تبون تسألكم عن المحاضرة السابقه كل اسبوع ولا تبون نحدد يوم و نحدد جزئيه واسألكم عنها وانتوا كلكم تختارون طريقه وحده
اسألتها الشهريه والنهائيه تهبل حيل سهله كلها اختياري واللي تختبرينه بالشهري بالنهائي مو داخل معاج
صراحة خوش دكتورة حتى معلوماتها استفدت منها في حياتي لانها بعد تجيب معلومات برا الملزمه تقول انا مابيكم تحفظون الملزمه وبس
طولت صح خخخخخخ
نجي ل اعتدال و سعاد خذت عندهم هالترم لان كل الناس مدحوهم لي
وجدان الهايم هم حلوه وشرحها حلو محاضرتها ماتجي نص ساعه باقي الوقت تسوي مجموعات وكل اسبوع مجموعه تشرح وعليها 10 درجات ولازم تسألين البنات وتتفاعلين معاهم عشان تاخذين الدرجه الكامله بس صراحة ماحبيت هالماده بالنسبه لي صعبة ويبي لها حفظ حيل تخربط
مها وما ادراك ما مها  اهي حليوه بس ماحب شرحها ولا افهم له يمكن المشكله مني :D
اخر الترم تسوي مجموعات وبالقرعه كل مجموعه تطلع لها مسأله وحده من المجموعه تشرح والباقي تاخذهم الدكتورة وتسألهم في نفس المسأله وصراحة متعاونه وتغشش :p انا خذت فيها b ومجموعتي خذت الدرجه كامله 10
وبالنهائي هم تساعد بعد ماتقصر و اللي تختبرينه بالشهري مو داخل بالنهائي
هذرت واجد :D
|
|
التعديل الأخير تم بواسطة حنَينَ ♪ ; 2014- 8- 27 الساعة 02:19 PM
|
|
|
|