|
لاصرت متعافي وسالم من الدين كنك أميرن ساكنن بالعليا
يقول خليف سمران
رحمه الله
ياليت عند خليف أربع ملايين
وأربع عماير كلهن بالعليا
وأربع جموس مخططات بلونين
وأربع بنوز مثلهن ماتهيا
وأربع بنات كل أبوهن مزايين
أرداهن اللي مثل نجم الثريا
أبي الا منه غدى الليل ليلين
كلً تقول خليف عندي هنيا
رد عليه عايد ضافي
رحمه الله
العافية ياخليف تسوى ملايين
وتسوى جميع أملاك حي العليا
وتسوى المزارع كلهن والبساتين
وتسوى المواتر كلها لو تهيا
وتسوى البنات اللي ذكوتو مزايين
واللي تقارن زينها بالثريا
وش فايدة ياخليف كثر الملايين
لاصرت مريض والشفى ماتهيا
قم و اطلب المعبود بالعسر واللين
جزل العطايا غافرن كل سيا
لاصرت متعافي وسالم من الدين
كنك أميرن ساكنن بالعليا
ممآ رآق لي 
|