وَ يا أهلاً
شوفوا أنا بكتب التغيرات الـ 20 إلي صارت هالفتره
ويمكن تكون 20 او 10 او 5 إلي يطلع معي ويحظرني حالياً < ؟؟


1- حمدالله صرت اقرأ سورة البقره كذا مره بالأسبوع مو زي اول ( مو رياء بس بجد فرحانه واحسني قدعه )
2- أكلي صار افضل من اول . الكبسه صارت تجيب لي حرقان ب المريء
3- بطاطس تسالي صار نمبر ون وطاح كرت شيتوس حار نار
4- صرت اعرف افرّق بين هالمفردتين "كونسيلر وفاونديشن "
5-نسبة العتب والشرهه والعشم اصبح منخفض -_-
6- صح إني اكره اشيلها لكن اشوى هه صرت اتقبلها " الشنطه بالسوق "
7- صرت اضحك بصوت واطي وهالشي كان مسبب لي أزمه يامسلمين
8- صرت اروح جيم واعرف اسوي بوش اب
9- اظافري صارت تنمو وتطول مسكينه , معد صرت أكلها ب أسناني لما افكر
10- صرت اسحب على اختي لما تتصل وتكون كل المكالمه نقاشاتها مع عيالها وما اتكلم بسالفه
11- صرت مشغوله ذهنياً وما اقدر ادخل منتدى الهلال واقرا اخباره بكل الجرايد , ولا ادخل مدونتي بعد :(
12- تزوجت اختي الشهر إلي فات وصرت احس نفسي وحيده لما اطلع السوق


بيأذن الفجر بصلي وبنام ابغى اصحى الصبح واخلي اختي تمر علي وتفطرني وترجعني البيت
مع ان خاطري والله اطبخ غداء بكره اللحين لكن معصي