|
دمعة إعجــــاب - عبدالله بن علوش
باب تجي منه العواصيف فكه
لأن العواصف ما يدقرلها باب
لا تسمع اللي ينصحونك تصكه
المدعي بالعقل و العرف كذاب
شف خدك اللي كل من جاه صكه
عزيز قوم و ذللك شرك الأحزاب
مــــقـفـل قـلـبـك و مـوزي بـفـكــه
ذل عقب بيض الشحم تاكل اتراب
ما يدخل الجنة ما راح(ن) لـمكه
فتوى مطولة اللحى نتف الأشناب
إن مــت فـي جنــات عــــدن تــفكه
مشروبك الكوثر و مقطوفك أعناب
تــقـول عـن دنيـا الإهـانــات فــكه
يا ذلـة الأمـة انـا خـــاطـري طــاب
وإن عشت لا ترضى بعيشة مضكه
لا تـفهم الـقصة و لا تسمع أسباب
أبـــوك اذا تــــقدر تبــكيـــه بـكــه
عوضه عن دموع الشقا دمعة اعجاب
.
.
التعديل الأخير تم بواسطة Sul6an Suba3ei ; 2014- 8- 31 الساعة 10:57 PM
سبب آخر: تعديل العنوان
|