|
رد: سَم اللقَاء [ صدَفه ] وأنَا اسميَه ميعاد ,أنا انتظرَتك وانت مَريت [ صَدفه ]~ مساحتَكم الشعريه ♥!
ودك تنامين؟! نامي يا بعد عيني
باين عليك التعب من أمس سهرانه
من ليلة البارحة.. وأنت تداريني
شوفي المراية أعيونك حيل تعبانه
نامي لك شوي لو ساعة وخليني
يا بنت عمر السهر ما يغمض أجفانه
ولاني بطاير من أيدك.. هذي أيديني
ما دام فكري معاك أختل ميزانه
لو ترخي الشال لعيوني وتنخيني
أجيك فزعة أخو ذباح لأخوانه
صومي عن الناس سمي وأفطري فيني
يفداك قلب تربى بطيب جدانه
أنا ظلالك ما دام الله معافيني
الله عطاك الغلا المعبود سبحانه
أنا أدري أنك نسفتيني.. وتلفتيني
مهما خسرتي معايه دوم ربحانه
نامي وباكر بكيفك.. طلعي عيني
القلب شرع لهمك كل بيبانه
وأذا غفيتي أمانة حيل غطيني
برموشك اللي من الأشواق رويانه
|