بالنسبه للاحصاء ابد مو كذا .. اذا تبغين تمشين بدون ما تتعثرين لا تسمعين للبنات السلبيات :\
الماده بعيده كل البعد عن الرياضيات مجرد قوانين تحفظينها و ما تلخبطين بينهم و الباقي ع الآله الحاسبه
حنا خفنا منها مثلكم لمجرد انها فيها ارقام و حنا بنات ادبي و حاسين انها ما تضبط ههههه بس هي خفيفه و حلوه تحتاج اشويه مجهود
طلي ع موضوع بالقسم عن الدكاتره و طبيعه المواد انا كتبت فيه ردين عن اللي درست عندهم
خذي فكره و تحمسي للدراسه و لا تتحطمين من كلام بعض البنات حاولي تاخذين الاشياء الايجابيه
اممم بالنسبه للبوابه الرئيسيه لكل الطالبات للثلاث كليات العلوم و الاداب و التربيه الكل يدخل منها
عباره عن ممر طويل قبالك مبنى اللواكر يمينك راح يكون بوابه العلوم والتربيه .. يسارك راح تكون بوابه الاداب
راح تدخلين الاداب و تلاقين ساحه متوسطه مكشوفه مجرد ممر و فيه عشب بعدها تدخلين المبنى و كل الاقسام موجوده فيه ما راح تحتاجين تطلعين الجامعه مو مكشوفه الا ببدايه الدخول و لو بتروحين الكفيتيريا
ان شاء الله اني فهمت عليك بس حاولت اشرح اللي اقدر عليه
