the important of being ernest
القصه بإختصار
هم رجلين واحد يعيش في قرية =جاك_والآخر في المدينة لندن=الجيرنون
جاك يحب بنت خاله الجيرنون فعلشان كذا عرفها بنفسه على أساس انة إيرنست لأنها ماتبي تتزوج إلا شخص بهالأسم
في نفس الوقت جاك لما يغادر القرية يكذب علي الوصي عليها سيسلي ومدبره المنزل و يقول انا عندي اخ اسمه ايرنست في لندن ومشاغب وبروح له علشان احل مشاكله و يروح لندن علشان يلتقي ببنت خاله صديقه جوندلين و يحبها و راح يخطبها
في الجانب الآخر ألجيرنون مايحب حفلات خالته الي تبية يتعرف على البنات و يكذب عليها يقول انا بروح القرية علشان عندي صديق اسمه بنبري عجوز و مريض قريب يموت
جاك وإلجيرنون إلتقوا في القطار و عرف الجيرنون ان جاك عنده بنت وصي عليها من ولاعه اعتقد اهدتها سيسلي لجاك فيقرر الجيرنون انة يروح لبيت جاك على اساس انة ايرنست أخو جاك و فعلا يروح و يتعرف على سيسلي و يحبها وتحبه و يبي يتزوجها
بينما جاك في لندن
خطب جاك جوندلين لكن امها رفضت هالخطبه لأنها عرفت انة رجل متبنى وقالت بالأول أثبت أصلك بعدها تعال
جاك غادر لندن علشان يسأل مربيته مس بريزم عن أصله و لما راح هناك حصل إلجيرنون و عصب كثير منة واخذه الغرفه يتخانق معه في نفس الوقت طلعت جوندلين لحقت جاك و وصلت القرية و راحت بيت جاك قابلت سيسلي و سألت عن ايرنست الي خطبها تقصد به جاك بس سيسلي تحسب ايرنست حبيبها الجيرنون و قعدوا يتخانقون و في هالوقت جأت الليدي تلحق بنتها و لما وصلت البيت وشافت مس بريزم قعدت تشوفها بحقد و كراهية
جاك والجيرنون طلعوا من الغرفه و كل بنت راحت عن ايرنست حقها سيسلي مع الجيرنون وجاك مع جوندلين
واكتشفوا البنات ان ولا واحد فيهم ايرنست
بعدها صار حوار بين الليدي و مس بريزم تتهم الليدي مدبره المنزل في انها السبب في اضاعه ولد اختها بعدها حكت قصه ان مس بريزم كانت تشتغل من قبل في بيت اختها و في يوم من الايام وضعت ولد اختها الرضيع في شنطه و اضاعته في محطه القطار وقتها جاك تذكر الشنطه وقال ان الي تبناه حصله في شنطه و وصفها و قال انها لسا موجوده ومس بريزم قالت جيبها لأنها مانست شكلها ابد وبالفعل جاب شنطه قديمه شافتها مدبره البيت وقعدت تبكي وتقول سامحني انت ولد اخت الليدي والليدي قعدت تبكي وتضم في جاك وتقول ان امه وابوة ماتوا قبل يشوفوة و طلع هو نفسه اخو الجيرنون
عاد جوندلين سألت جاك وش كان اسمه الي سماه ابوة قالت الليدي كان اسمه إيرنست وبكذا عم الفرح والسرور
جاك بيتزوج جوندلين و الجيرنون بيتزوج سيسلي
ومس بريزم تتزوج شاسبل رجل الكنيسه
هذا الاحداث بإختصار اتمنى انها واضحه :)
منقول من مندى سعودي انجلش