ملتقى طلاب وطالبات جامعة الملك فيصل,جامعة الدمام - عرض مشاركة واحدة - السنة التحضيــرية خريطه كليتنا , ممراتها , مدرجاتها

7orii ali · #1 2014- 9- 3

السلام عليكم كيفكم بنات

فيه وحده سألتني ع الخاص تقول مضيعه و محتاسه

فوصفت لها قد ما اقدر و لا قدرت ارد عليها خاص لانو مشاركاتي ما تسمح
فقلت فرصه احط الوصف هنا للفايده العامه

.............................

ردي عليها :

وعليكم السلام الحمد الله وانتي شخبارك وكيف الاستعدادات وهلا فيك بجامعتنا

كليتنا عباره عن خمس مباني : 61 - 62 - 63 - 64 - 65 .. نسميهم ممرات
برضو فيه مدرجاات : 66 - 67 - 68
كل ممر او مدرج مكون من : دور ارضي \ دور اول \ دور ثاني
بشرح لك اكثر بس لازم تركزين وتقرين كلامي مرتين
عموما انتي مجرد تشوفين الوضع بكرا بيتضح لك اكثر
انا مثلا تخصصي انجليزي وين ادرس ؟ بممر اربع وستين و خمس وستين الدور الارضي
فوقنا مباشره ممر اربع و ستين و خمس وستين الدور الاول مين يدرس ؟ بنات الدراسات الاسلاميه
الدور الثاني لمنبى اربع وستين و خمس وستين تقريبا ل بنات علم الاجتماع
وهكذا ينطبق ع كل التخصصات

طيب انتي تحضيري يعني موادك راح تكون منوعه ع كل الاقسام ممكن تكونين بمدرج و ممكن ببممر ع حسب كل ماده

اول خطوه تسوينها تعرفين اماكن قاعاتك هنا رد لي ع بنت :

اقتباس:

المفروض انك تداومين هالاسبوع او تجين بدري الاحد و تروحين لمبنى 62 ع الاغلب الدور الاول
يعلقون اماكن القاعات لكل الشعب راح يكون زحممه !!
فالافضل تروحين يوم الخميس تشوفينه و تنقلين ع راحتك ويكون معك سي ار ان كل ماده احسن غير رقم شعبتك انتي عارفتها طبعا
احيان بنات يروحون و يصورون الاوراق و ينزلونها هنا .. لو ناويه تصورين انتبهي يكون فيه امن و يخالفونك

تدورين بالاوراق رقم شعبتك تسجلين
مثلا انجليزي عام طلع لك : 64 (0-10)
وش يعني ؟
مبنى 64
الدور 0 يعني الارضي
قاعه 10

وتمشين بهالطريقه الممرات سهله
طيب المدرجات وش هي
المدرجات عباره عن قاعات كبيره اكبر من قاعات الممرات
وهي ع شكل دائري
وين تلاقينها
مقابل ممر 62-61 مدرج 66
مقابل 63 مدرج 67
مقابل 64 - 65 مدرج 68

اقري الكلام كذا مره لو ما فهمتي برجع اشرح لك عادي

.............................

المهم هدف الموضوع انو نساعد المستجدات لو عندكم معلومات او شي مفيد لهم عشان لا يضيعون

وانتوا ي المستجدات اسئلوا هنا عن اي حاجه مكان الشوؤن مثلا مكان الكافيتريا المكتبه الخ
و الشي الاهم افكر ارسم لكم خريطه وش رايكم شجعوني

!

رسمت شي بدائي بالرسام فاعذروني ع تدني الجوده

دبل كليك او نقرتين ع الخريطه راح تكبرها لك و يطلع حجمها الاصلي هنا مصغره
الممرات وا لمدرجات الارقام موضحتها
بالنسبه للسهم الاحمر هذي بوابه الكليه
بالنسبه للمربع اللي باللون المحاحي هذي جهه شوؤن الطالبات
بالنسبه للمستطيل البنفسجي هذي بوابه تطلعك برا لمكان مكشوف تمشين اشوي وتحصلين الكفيتيريا

بنات عدلوا لي لو خصبت بشي او جبت العيد هههه