المشاركة الأصلية كتبت بواسطة سعود بن ثامر

بسم الله الرحمن الرحيم

اختبرنا وخلصنا يبغاله كاس كُوفي وفصفصه ..

رحت بدري متحمس قبل الاختبار بـ 40 دقيقه كنت عندهم , انتظرت لين فتحوا الباب حق القاعه تعاملهم ممتاز وعسل طبعاً صوروني وأخذ بصمتي عشان يسجلوني في المركز الوطني [ قياس ] ..

بعدها فتحوا لي صندوق الأمانات وقالوا حط رقم سري وحطيته , قالوا حط كل أغراضك محفظه نظاره جوالات ساعه أي شيء حطه , قلت ما باقي الا ثوبي وشماغي *_*

بعدها دخلوني قاعه زي معمل الحاسب بالضبط , طبعاً بدون صوت ولا تحرك راسك واذا بغيت شيء ترفع يدك والمراقب يجيك ..

عطوني قارورة مويه *_* , والأفضل تدخل دورة المياه قبل لأن لو بغيت تروح خلال الإختبار يُحسب من وقتك ..

جلست وفتح لي الجهاز بدايةً تعليمات عن طريقة الحل و ويعلمك كيف المراجعه , وفيه ورى شاشة الجهاز ورقة قوانين رياضيه لكن ما إستخدمتها أبد في الأسئله ..

نتكلم عن الأسئله بين كمي ولفظي , أسئلة عرفت أحلها وأحللها وأسئله كانت مستواها صعب بخصوص الكمي فقط أما اللفظي بالمجمل أشوفه سهل بدون ما أذاكر وقدرت أحل , لكن الكمي فعلاً فيه فقرات صعبه وتعتمد على التدريب وحفظ القوانين من ناحية الكسور طبعاً أول ما توصل يخلونك تبدأ ومتى ما تخلص تقدر تمشي أعجبتني الطريقه هذي مو مربوط مع أحد أخلص وأمشي ..

سألت عن إمكانية إعادة الإختبار قال يحق لك 4 إختبارات خلال 3 سنوات , وفعلاً للأسف صلاحية الإختبار 3 سنوات وبعدها تُعتبر درجه ملغيه ويجب أن تعيد الإختبار ..

بتسألوني يحتاج مذاكره انا اقول إفهم الكسور كذلك شوف الرسمات انا نظريتي تقول إستنتاج الرسمات بدون صعوبات يعني منطقياً تقدر تحلها , كذلك اللفظي راح يجيب تناظر كثير

مثل فم : أسنان وبيعطيك تحت أربع إجابات وبيقول إختار مثل طريقتها ..

النتائج بعد إسبوعين عن طريق موقع قياس ..

الله يوفق الجميع ويسهل لكم أموركم يارب ..

المشاركة الأصلية كتبت بواسطة المحترمه

ماشاءالله بدايه موفقه بإذن الله يا الى متى ..
لكن مسألة مصادرة الأشياء الشخصيه ليه !!
الجوال ممكن لكن الكماليات وش الهدف !!
أنا أهم شئ عندي الساعه مدري يسحبونها
بعد وإلا لا !!
إن شاءالله السمستر الثاني راح أسجل ..
ألف شكر على هالإفاده وفالك التوفيق والسداد