ملتقى طلاب وطالبات جامعة الملك فيصل,جامعة الدمام - عرض مشاركة واحدة - عامة ضع إستفسارك عن كليتنا { الشروط _ التخصصات _ مستقبل تخصصك_ المنح الحكوميه } 2016/2015

][ MOHAMMED ][ · 2014- 9- 6

اقتباس:

المشاركة الأصلية كتبت بواسطة تولين وانا

لاتفكرين انك راح ترتاحين لان الكليه راح تدخلك تخصص ع حسب معدلك مو ع حسب مزاجك يعني مافيه فرق عن الحكومي
خليك ع الحكومي أحسن لك ع الأقل تدرسين مرتاحه مو كل شوي تفكرين بالمنحه شملتك او لا
وع فكره لو كنتي ع حساب المنحه راح يطلبون منك الرسوم 27000 الف اول الترم ولا فيه مرعاه لظروف الناس

كُنت برد من قبل بس حصلت ظروف وطلعت برآ وتوي رآجع .. قبل كُل شيء تفآئلي بالخير تجدينه =))
يعني البنت حطت إستفسار وراغبة بإجابات مو شخص يحطمها ! عفواً إنتي أصلاً درستي ؟
لا مادرستيّ توك بتدرسين أول ترم , ومعروفة الكليات الأهلية بفلوس لو انتي ماتبين كان من البداية مادفعتيّ ,
وياما كثييير من أول ترم دخلوا على المنح وناس من الترم الثآني وظلوا رآفعين المعدل والمنحة معاهم وماشاء
الله تخرجوا وكثير مادفعوا الا لترم او ترمين , إذا شخص مايذاكر ولا يشد حيله اكيد بتطير منه المنحة والقرار بيدك
بإمكانك تأخذين 5 الترم الأول بكُل سهولة إذا شديتي حيلك وشديتي الترم الثآني ثآني سنة تثبتين على المعدل
ولا تقولين مابي أنزل عن 2.75 قولي مابي أنزل عن 5 و 4.50 وآخر حد 4 عشآن انتي تشجعين نفسك بنفسك
وبالنسبة لدخول التخصص أكيد بكل مكان بالعالم على حسب مُعدلك روحي حول العالم كله من أمريكا واوروبا
نفس الشيء واللي يشد حيله ويأخذ معدل يضمن إنه يدخل التخصص بإذن الله وبالنسبة لكلامك
تدخل حكومي فرضاً الحكومي مافيه التخصص اللي هي ترغب فيه ؟ انا دخلت الترم الاول هندسة وماحبيتها ابدا
ولا تناسبني وعرفت نفسي وخرجت لأني فكرت بطب الطوارئ مع إكمال الدرآسات العليا بالمستقبل بإذن الله ..
الطلاب يختلفون فيه طلاب خلآص يمشي حاله وفيه طلاب يقاتلون عشان تخصص يرغبونه وانا من هالنوع ,
بالأخير / إنتي لا تتشآئمين إحنا هنا نشجّع بعض ونساند ونساعد بعض وفال الجميع التوفيق -