الا يا قلب هوجايسي وهمه
حسب ما يدعي التفكير سمه
خطر في خاطري شيء جبراني
على التعبير لو ماني بيمه
دعاني من عناه وجيت كلي
وسلم لي مفاتيح المهمه
مهمة ضيقة النفس العنيدة
سراياها تجي من كل يمه
تجول بخاطري ردد صداها
يلم جروحها الغر وتلمه
يعايش ما تعيشه كل لحظة
على قدر الوفاء تجري بدمه
وانا والشعر واحساس المشاعر
شعور قسوة الدنيا تعمه
اشوف الحال غير الحال حاله
واشوف الصبر مهما طال قمه
على ربي تدابير الليالي
وتعديل الزمن وجروح همه
لو ان ما للمكان ولا زمانه
خطأ ادم الخطأ من غير ذمه
يجيك من اقرب الغالين قاسي
ولا اقسى منه غير انك تتمه
بجرح الصد واصل الصد ماله
عزاء غير الجروح وما تضمه
مشاعر قلب واسرار وخواطر
بما تعني معانيها ملمه
من الأعماق وأعماقي عميقة
هدف بيض النوايا ما تزمه
مع كل البشر مبداي واضح
وضوح عشت به وبكل همه
حبالي بإذن خلاقي طويلة
تطول بفضل ربي كل جمه
وشعاري الصدق نبراس الحقيقة
مثل ما الطيب ما شي يدمه
قناديل الوفاء يوضي سناها
مشاوير الحياة المدلهمه
شعوري من وفا راسه يهمه
كريم في مباديه الكريمة
وَريث الخير من خاله وعمه