^
لا زلت تعمم !! .. وكأنك تقول ما فيه كفاءات عشان أوظف سعودي أنا وغيري ، وتعتبرها مغامره ؟!
شي طبيعي إني راح أوظف الشخص المناسب واللي يخدم عملي ويا كثرهم ، بالعكس كونه سعودي وإبن البلد هذي إضافه له ..
الشباب الأقل خبره وأقل جديه واهتمام يحتاج وقفه من أبناء البلد أصحاب الأعمال أمثاله عشان يدربوه ويهيأوه ويصير عنصر فعال في وظيفته ، لكن للأسف هم يبون شي جاهز .. إنت تدري أن الأجنبي ما يجي يشتغل عندنا الا بعد ما يشتغل في ديرته الين يدوخ وبأُجره زهيده جداً ليكتسب خبره ، ويأتي من بعدها ليعمل مديراً ويقبض رواتب خياليه ؟! ..( شي طبيعي راح يكون نشيط ومجتهد )
طيب إحنا شبابنا وشيسوون ؟!.. يهاجرون ، يهجون من الديره ويتركونها للأجنبي الفاهم ، عشان يجيب اهله وجماعته كلهم ، واللي تلاقي أغلبهم كان يشتغل في ديرته شغله الشاب عندنا يقدر يشتغل أفضل منه فيها ..
ياخي وبدون مثاليه مثل نظرتك هي من أقوى المسببات للإحباط وأكثرها تأثير بين الشباب ، ياخي ولدك لو كل يوم تقوله انت فاشل فاشل فاشل بالتأكيد راح يكون فاشل ومع مرتبة الشرف ،، لانه يشوف أكثر الناس اللي يعتقد انهم مصدر تحفيز له يشوفه عنصر بدون قيمه .. وهذا حال شبابنا مع اصحاب الأعمال من رجال بلدهم ..
نقاشنا أبو أريام لا يقلل من حجم الصداقه بيننا ، ولكن هي وجهات نظر وقناعات كل واحد مؤمن فيها ..
إحترامي وتقديري لك ..