المشاركة الأصلية كتبت بواسطة قمر طارق

الاراء تختلف*
لكن من وجهة نظري :-
مجتمعنا للاسف البطاله فيه عاليه جدا

اجيال تتخرج منهم من عنده طموح ومنهم لا*

المواطن عموما سواء كانت مرأه ام رجل
بحاجة للتوظيف وذلك لظروفهم الحياتيه
وغير متطلبات الحياه

ومن جهه ثانيه / القوانين والانظمه اللي يحطونها اصحاب جهة العمل*

يعني مثلا يطلبون خبره 12سنه وانا تو خريجه او ماحصل وتوظفت او منوظف لكن خبرتي قليله
من وين اجيب لهم خبرة 12 سنه

وغير انهم زادوا سنوات التقاعد*
بالله اللي يدورن عن وظايف وين يتوظفون
وش حلهم

العماله الاجنبيه في القطاعات الخاصه صدق تستحل نسبه مقدّره*
والاجنبي حتى اذا جا يلزمه تدريب*
طيب انا ي السعودي ي اللي منك وفيك
دربني وعلمني وانا امشي شغلك واثبت وجودي واستحقاقي لهذي الوظيفه

لا ننكر ان فئه معينه من مجتمعنا يبي وظيفته ع مكتب وتحت التكييف والرزه معميه عيونه
وهذي الفئه مايجيبهم يمكن الا الواسطات*

ولا ننكر بعد ان الواسطات تلعب دور*
مستواه التعليمي كفاءه .. وماسك ( فورمن ) في احد الشركات براتب عالي جداً
ووشخص خريج كليه وعنده خبره وظفوه في مرتبه اقل من السابعه وبراتب اقل ، لم يعطى حقه
وشخص اخر بنفس الشهاده خريج كليه مايملك خبره لكن شخص ما يعرفه بالشركه ضبط اموره وصارت مرتبته السابعه وبراتب اعلى من الشخص اللي عنده خبره

وغير هذا يطلبون من الموظفين والموظفات في العمل بشكل عام ،، الاجتهاد في عملهم وان يعطون كل ذي حق حقه*
معليش انا علشان اعطي ف العمل واكون عنصر فعال في عملي وعلشان يزيد انتاجي بعملي*
اعتقد اني احتاج دعم احتاج واحتاج راحه واحتاج ثناء حسي ومعنوي علشان يكون عندي دافع للعمل ويزيد انتاجي*
اما انهم يطلبون مني اشتغل وازيد من الانتاجيه ومافي دوافع ولافي شي يحمسني للشغل هذا شي ثاني*

*
والمشكله ان السعوده صارت وهميه
وظايف لكن مامن توظيف*
بس يوهمون الناس واذا حصل توظيف عقدوها بانظمتهم*

ويقولون نبي تقدم ونبي تطور ونبي نقلل من نسبةة البطاله في المجتمع السعودي

الشاب او الشابه ماهم فاشلين بالعكس*
كل منهم لو حطوه بمكانه الصحيح ابدع في عمله*

لكن كيف ابدع وانا تحت وطأة قوانينهم*
وتحت رحمة رجا التوظيف*
وتحت قهر من الرواتب اللي تنعطى للموظف

بالله لما *توظف شخص وراتبه 3000*
وش تفيده فيه
لاصار*يعول عايله ، وقوّام عليهم
من ماكل ومشرب وملبس ، وتسديد فواتير*
المدارس ، عطل بسيارته ، بنزين ، وغيره
3000 وش يسوي بها من هذا كله*
*
يعني ي اصحاب الكراسي والمناصب*
واللي ماسكين ادارات*
اللي المفروض يشوفون المجتمع من عدة زوايا*
ترانا بدوله بها نفط ،، بدولة خير ولله الحمد
يعني ادعي الله يرزقك ويرزق منك

الناس حالهم مايسر*
لكن ساكتين وعزيزين نفس*

خفوا من انظمتكم المعقده
المفروض انكم ما استحليتم هالمناصب الا علشان تسهلون امور المواطنين مو تعقدونها فوق ماهي معقده*

لكن من تناشد*
لاحياة لمن تنادي*


سبحانه يوم صارت الارزاق بيده*
ماصارت بيد عباده*
وان عباده ماهم الا سبب*

سبحانه .. والا كان ع الدنيا السلام*


.......
موضوع جميل جدا*
اشكرتس ع طرحتس*

دمتي غلاتي بكل خير*
ودي لتس *
*