ملتقى طلاب وطالبات جامعة الملك فيصل,جامعة الدمام - عرض مشاركة واحدة

o_lg_ll · 2014- 9- 10

اقتباس:

المشاركة الأصلية كتبت بواسطة تفكير منطقي

لاتستغرب ولاشي يالغالي

أنا كل ترم ما أدخل على الانظمة من بدري وأول مرة تصير معي

هالترم صاير مصطفى هههههه ومتحمس من الفضاوة

ومن ناحية إن النظام مافيه لخبطة اختلف معك

أم اللخبطة في الجامعة وأم اللخبطة في أنظمتها سواء الألكترونية أو الأرتجالية

يعني جامعة تاكل في الملايين المتلتلة من الطلبة

عاجزة في بداية الترم تنزل المحاضرات أول بأول

يعني لازم تنزل المحاضرات كاملة وبعدين تحدث أنظمتها

يالله جات فرصة للي يحمل محاضرات عشان يذاكر من بدري

وليس عشان تنحسب له مشاركات

تحيااااااااااااتي

القديم والى يدخل من بدري على الانظمة راح يلاحظ ان الدراسة دايم كذا تبتدي

بيني وبينك لو علينا احنا الشباب

ماندخل بدري في بداية الدراسة ونهتم لها الا فئة قليلة من الشباب

اما البنات لا مشاء الله يدققون على كل شي ويعيدون ويزيدون في الاسئلة

وتبي الصدق هم الى محركين المنتدى بأسئلتهم واستفسارتهم الى ماتخلص

يعني ليه مابدينا ليه ماتحسب الدرجات الحين ليه يتأخرون

ليه ينزلون اعلان ومايتقيدون فيه بالضبط

الخ الخ من مواضيع الدراسة محسسيني طلاب متوسط او ثانوي

الابله قالت نجيب قلم ودفتر انجليزي مربعات

ايه البنات ماتعودو من الصغر على مدارس الشباب كل دجه ومدرسينا دجه ومتى بس نمشي ونخلص ههههههه وتشوف المدرس لو تسأله سؤال الود وده يعلقك مع الباب

وانا بصراحة مع النظام السعودي الله لايغير علينا

الموظف السعودي المجتهد المكافح وشحلاته يحط اعلان وقوانين ولا يتقيد فيها ودايم فديته ينتظر متى ينتهى الدوام عشان يجلس بسروال وفانيلة ويدق بالخمس

هذا اذا ما لبس وزار فديته

مثل جامعتنا ياقلبي عليها

خذ و خل ولا تصدق تواريخهم واعلانتهم في شي الا الشي القليل

يأخي كفاية انهم ينزلون نفس المحاضرات في كل فصل ونفس المناقشات في كل فصل وفوق كذا نسخ ولصق وتجيب 30 درحة وشتبي اكثر من كذا نظام طقها ولحقها

وكفاية فديت جامعتنا ان نظامها بوكلب

تشوف الدراسة تبتدي وبعدين يفتحون الانظمة ويكبون عليك كم محاضرة ويقولون لك يالله ابتدي

تقول نظام تعذيب مو دراسة
الله لايغير علينا

والله ادخل المنتدى في بداية الدراسة من الفضاوة واذا تبي الصدق والله ما افتح مواضيع واشارك في المنتدى الا من الفضاوة

وفوق كل هذا ما افتح شي الا قبل الاختبارات بيوم او يومين ههههههههههههه مشاء الله من زود الحرص

كلامي مو قصدي اخطاء على أحد

اقتباس:

المشاركة الأصلية كتبت بواسطة الــوليــف

كل ترم تنزل جميع المحاضرات وبعد كم يوم يرتبون المحاضرات

وهاه هذا الوليف يأكد الكلام