2014- 9- 10
|
 |
أكـاديـمـي ألـمـاسـي
|
|
|
|
|
أجيهم .. نيِّتي بيضا ويجُوني في شكل أشباح !
مو مرتاح من ربعي ..ولامرتاح !*نادوني ..
وركضت بـ ليل*إيد " الرسن " فيها ..وإيدٍ بها " سلاح " ..
عثرَتْ مُهرتي ..!و ربعي " قبل ماطيح
واحد قال للثاني " أبشرك طاح /*أبشرك طااح " ..
وأنا مثلك مع ربعي يا [ فلان ].. حيل مو مرتاح ..!
كأنهم بيد عطشانه .. وكأني بينهم [ واحه ] !
خذا بعض الأسى بعضي*وبعضي وين منِّي راح ؟!!
وقلبي قاتله حزنه ( سَ قَ ط ) ...*مقتوله أفراحه !!
أجيهم .. نيِّتي بيضا ويجُوني في شكل أشباح !
لأجل راحتهم أتعذَّب .. عذابي عندهم راحه !!
تصدِّق حيل متضايق ( خساراتي ) لهم " أرباح " ..!
ضحكت*وكانت الضحكه من الصدمات و [ السَّاحه ] ..!!
إذا ربعك مثل : ( غابه ) أنا ربعي مثل [ مسباح ]
وأنا شخصٍ .. عجز يجْمَع ( نَثِر ) حبَّات مسباحه !
وإذا صارعت من أجل القرايب / قوَّة التمساح .....؟!
أنا حتَّى البعيد اللِّي يجيني / مااات تمساحه !!
زرعت الطيب في قلب " الحجر " وإستغرَب الفَّلاح ..
قفل حظي مع ( الفرحه ) .. ألاقي وين مفتاحه ؟!
تعب : لا كنت في ظلم السجون وضايع المفتاح !
معاك الحق لكن [ العدل ] .. ما فاد مصباحه !
عتب : لا صار يتبشَّر صديقك .. والألم صدَّاح
وعدوِّك كان في لحظة سقُوطك , تنزف جراحه !!
بحر ..يا موج ..يا شط الصداقه .. كنت لك ملاَّح
سفينه كان لك قلبي .. ولكن غدرك إجتاحه !
حرام : إن كان لي واحد وأناديه بـ إسم يا صاااح
مدامه " صاحبي " بإيده سقاني .. السِم بـ قْداحه !
سمعت صياح من عين المراجل ...؟!*إي سمعت / صياح ..
و [ طير المرجله ] في هالزمن متهلهل جناحه !!
( صديقي ) صار معناها بـ عيني .. واحدٍ " سفَّاح " ..
لأنهم أغلب أصحابي .. على الطعنات ذبَّاحه ..!
وفا شنهو الوفا [ شَمعٍ ] كثر مايشعلونه ساح !!
ورمحٍ يصنعه وقتي ( وربعي ) حيل رمَّاحه !!
يجي واحد مُنى قلبه .. يشتت فيني [ الأفراح ] !!*
وواحد ضاق لو يلمح عيوني .. تنام " مرتاحه " !!
وواحد قال للثاني :*من المُهرهـ أبَشْرِك طااح
كأن بـ طيحتي يلقى السعاده وطفرة أرباحه !!
********
مما راق لي
دمتم بسعادة لا تنتهي بإذن الله
لأرواحكم النقيهه 
|