المشاركة الأصلية كتبت بواسطة now or never

مساكم خير

اليوم وبحمد الله استلمت الوثيقة وراح اعطيكم الإجراءآت بالمختصر


الساعة 9 ونص وخمس دخلنا الجامعة انا مع خويي


1- رحنا لمبنى التعليم عن بعد رقم 35 وقدمنا على اخلاء الطرف ووقعناه من 3 مكاتب واستلمنا الشهادة الثانوية

2- توجهنا بالسيارة إلى مبنى القبول والتسجيل ودخلنا صالة كبيرة كنها صالة مطار آخر كاونتر على اليمين مكتوب عليه الخريجين نعطيه اخلاء الطرف ونستلم الوثايق

الوثيقة + 3 صفحات الدرجات بالعربي + 3 صفحات بالانجليش

3- توجهنا إلى مبنى كلية التربية مشي لأنه قريب وطلعنا للدور الأول فيه عامل اسم محمد رمضان هو يصور لك نسختين فقط , دهنا سيره وصور لنا 3 نسخ محنا محتاجين اكثر .

4- رجعنا لصالة المطار اللي ( القبول والتسجيل ) ورحنا لنفس الرجال اللي قد سلمنا الوثيقة وقلنا نبي نختم طبق الاصل عطانا الختمين واحد عربي والثاني الماني وختمنا اوراقنا

,,,,,
إلى هنا نعتبر خلصنا من استلام الوثيقة


5- توجهنا لمبنى كلية الإدارة عشان التوصيات طبعا هو قريب من مبنى التعليم عن بعد نوعاً ما وطلعنا للدور 1 وحسنا بالمكاتب لين وصلنا عند مكاتب ربعنا الدكاتره ,

لقينا مجموعة طلاب متكين وقافله معهم قلنا وش العلم ؟

قالوا ابد ما فيه احد من الدكاتره ومحدن حولك ولنا على هالحال كذا ساعه وفيه طلاب لهم يومين جايين من مناطق بعيده وقالوا لنا حنا من امس واللي من قبل امس ولا قدرنا نطلع بتوصية وحده


بس فيه دكتور واحد لمادة المحاسبة الإدارية متواجد

ولكن يقول لازم a+ عشان اعطيكم التوصية

قلت امحق (جت ترزق عيا ابوها ) دخل خويي عليه وشيل وحط وبص بأه , ومنا ومنا ما رضى يعطيه مع انه جايب a

انا اخذت فيها c+ عشان كذا ما دخلت

طلعنا من الجامعة ورحنا نفطر بخاري لأن الساعة صارت 11 وما افطرنا ميتين جوع

بعد الفطور تشاورنا في الموضوع انا وخويي قال توكل على الله وامسك الخط والتوصيات نخليها اذا احتجناها بالمستقبل


,,,,,


ملاحظة مهمه

اللي يبي توصيات يتواصل مع الدكتور على الايميل ويعرف الساعات المكتبية ويضبط وضعه قبل لا يتعنى



هذه تجربتي بالمختصر قدر الإمكان


وعسى ربي يوفقنا جميع ويفتح لنا ابواب الخير