|
من طبعي ارد الإساءة بالاحسان
من طبعي ارد الإساءة بالاحسان
وأساير ظروف الزمان اللعينه ..
وأطوف الغلطه من فلان .. وفلان
يعني من أجل { عين } تكرم مدينه ..
الكامل الله والخطاء طبع الانسان
والدرب يفرق عن يساره ويمينه ..
و { الصاحب } اللي له معزه وله شان
ان جاني بـشينه.. تذكرت زينه ..
اتحمل اخطاءه معي { قدر الأمكان }
من جانبي تبقى العلاقه متينه..
واللي { يغلطني } وانا ماني بغلطان
اصابعي احطها { وسـط عينه } ..
مادامني مسلم وفي قلبي إيمان
عمر{ البحر } ماشال هم السفينه ..
مرت علي { انواع .. واشكال .. وألوان }
بين { العقول } الناقصه.. والرزينه
عندي قناعه ان { الإنسان شيطان }
اذا يهينك { لازم } انك تهينـه ..
يعني اذا حاجتك { بيدين عدوان }
يكفيك شر المهزله .. والغبينه ..
من{ كثر ماجاني } من الناس خذلان
تحرجني حتى كلمة { الله يعينه }
صحيح لي { ربع .. وجماعه .. وخلان }
وأضيق لكن حاجة الناس .. شينه
الشخص دام انه بكل شي { خسران }
تأكد انهآ من عمايل { يدينه } ..
من مرحلة { حب .. ومشاعر .. وحرمان }
إن مالعنت الحب تلعـــنه سنينه ..
اكتب شعر واعزف من { اشواقي الحــآن }
واسلي قلوب الغرام الحزينـه ..
ولو الشعر مخلوق في { هيئة انسان }
والله لأقول له تسلم { واقبل جبينه }
مما راق لي
|