|
رد: كل ما يخص دورات مركز التدريب وخدمة المجتمع بكلية التربية بالدمام
اقتباس:
المشاركة الأصلية كتبت بواسطة * sile(N)t ..
بنات أنا قد كتبت هنا قبل اسبوع ، ومحد رد علي طبعاً
ف رحت سألت بنات كثير ، وكان الجواب محد استفاد من شهاديهم
يعني دورات كذا ورق مالها اي اهميه أو اي قيمـة !!!!!
يعني لو تبين تتوظفين وتحطينهاا مع شهادتك كانك ماسويتي شي وكانك
مقدمه شهادتك بدون اي تدريب او دورات ..
هذا سمعته من بنات اكبر مني .. وكانوا متحمسين مثلي وشافوا زحمـة وكذا
واخر بعد التقديمات وكيذا طلع مالها اي قيمه او حتى سمعه ..
ف الحمددلله مادخلتهاا .. لأني كنت متحمسه عشان الحاسب ..
حبيت أقول اللي وصلني واللي مشيت عليه .. وراح ادور معاهد لها طلب بالمدارس الأهلية
وان شاءالله ان جاني رد بقولكم ..
موفقين جميعاً . |
وش نوع الاستفادة اللي تقصدينها ؟
على سبيل المثآل لو آخذتي انجليزي و بعدهآ قدمتي في مدرسة أهلية كمعلمة و تخصصك بعيد كل البعد عن الانجليزي ، هل تتوقعين الشهادة بيكون لها فايدة لوظيفتك ؟ لا
حسب خبرتي البسيطة في البحث عن وظيفة ما فيه مكان قدمت له و طلب شهادة من معهد أو من مكان معين !
يعني لو بتآخذين لك دورة أو مجموعة دورآت إنجليزي !
مو المهم شهادتك من وين ؟ المهم هو مدى اتقانك للغة تحدثاً و كتابة .
مو مهم عندك شهادة بالحآسب بقد ما هو مهم مدى اتقانك لبرامج الحآسب.
بجيب لك مثال لنفرض إن وحدة آخذت دورة في فن التصوير و آخذت الشهادة و كل شيء تمام
و بعدهآ بفترة شفتي صور من تصوير هذي البنت لكنها مو حلوة و لا فيهآ أي ابداع 
هل بتكذبين عينك و بتقولين لآآ هي عندهآ شهادة بالتصوير ؟!
حالياً أغلب الدبلومات في الوظايف الحكومية لهم آختبار
و على أساس نتيجة الاختبار و معدله و أشياء ثانية يتم القبول !
مو على الدبلوم من وين !
هذا شيء الشيء الثاني و المهم
الشخص قبل يدرس أي شيء لازم يكون متأكد من رغبته
مو اسم إن عندي شهادة بهالمجال .
بما إن معك بكالوريوس تآريخ فصديقتي نفس تخصصك تخرجت بشهر 8
و الحين هي ادارية بإحدى المدارس ولا معها ولا شهادة غير البكالوريوس
فالموضوع كله نصيب ليس إلا 
أخيراً ما يخفى على أحد إن الوظايف حالياً قليلة بغض النظر عن شهادتك
و لكن احنا علينا نسعى و نبذل جهدنا و نتوكل على الله و الله يكتب اللي فيه خير و بركة لنا
|